2014年12月5日 星期五

2014年10月 這年東北“楓”在吹 ~ 第二天(下):輕井澤





“楓”了一個上午,中午便乘信濃鐵道回輕井澤。就在月台候車時,感覺背包好像濕濕的,原來放在背包裏的green tea latte飲料從飲管漏了出來,之前雖已用膠袋包好,但仍從膠袋邊沿滲出,結果要把背袋裏的資料及物件全都拿出來清理一番,別以為事情就這樣完結….

回到輕井澤,朋友突然說:「啊,原來你裙子背面也沾上了latte!」而且污漬范圍不少!!!污漬位置,更是容易惹人誤會,只好走入洗手間用清水不停洗刷。污漬淡了,再把裙子未乾透的部位轉移一下,有背包遮擋,污漬位置就不顯眼了(幸好這天穿的是短裙,長褲的話真較難清洗及遮掩)。

在輕井澤駅內吃了個烏冬,匆匆啟程前往下一個目的地 ~ 雲場池。沿路的紅葉比去年同時期的“見頃”遜色,看來這裏的紅葉期也提早了。對於這個被譽為“天鵝湖”的雲場池,過去到訪也沒太大的驚喜,但這次,卻出乎意料之外的美!

輕井澤駅的烏冬,味道也不錯!


車站外秋色


路邊小兔












街道上的歐風建築


白色Woodstock!!



轉角的銀杏


黃金遍地









雲場池



小鴨暢泳










紅葉掛簾
























繞場一周後,又到購物時間,給友人二選一:王子購物廣場或舊輕井澤,為免友人瘋狂購物趕不上往秋田的新幹線(其實是我私心想逛舊輕附近的聖パウロカトリック教会),便游說友人說舊輕井澤有很多風味小舖及歐式建築,最後“奸計得逞“,哈哈!不過即使是短短一條小購物街,友人便已大包小包了,換了是王子購物廣場的話..(難以想像)。
















秋色下的聖パウロカトリック教会,美呆了!另一間我十分喜愛軽井沢ショー記念礼拝堂,路程太遠,要留待下次了。





教堂背面










輕井澤及中輕井澤可以遊覽的地方實在太多,沒有高樓大廈,貼近大自然,又有歐風建築,要購物的有大型outlet,有特色小舖,有興趣的朋友可待上三、四天,細味它的每個角落。

黃昏乘新幹線的自由席(指定席全滿)往大宮,原來大宮也算是個大站,駅內就有很多店舖,單是便當的種類也目不暇給,轉車等候的三十多分鐘就這樣過去




坐上往秋田的新幹線,原定約晚上10時到達。但列車在中途站福島停了良久,好像是不知那裏有列車故障,結果午夜12時才到埗(延誤了2小時),從輕井澤到秋田,足足花了6.5小時,比香港飛日本的時間還要長,累死!


交通

輕井澤>中輕井澤(信濃鐵道4分鐘,230円)
中輕井澤>輕井澤(信濃鐵道4分鐘,230円)
輕井澤>秋田(JR東日本通票5 JR東日本通票可於14天內任選5天使用,價格為22,000円。)


景點介紹
(網上資料)

輕井澤
輕井澤位於長野縣東南部,由東京乘新幹綫到輕井澤只需約 70 分鐘。由於該地位處海拔約 1000 公尺的高原地帶,故氣候涼快,於數十年前輕井澤曾是外國人的度假勝地,日皇伉儷、大文豪三島由紀夫、John Lennon及其太太小野洋子都是曾到此避暑的名人,故輕井澤有「貴族避暑地」之稱。另外,輕井澤又有「小瑞士」的美譽,因其人口及建築密度低,而且因早時歐洲傳教士曾居住此地的關係,所以處處可見漂亮的教堂及西洋建築,亦因景色優美而建立了許多別墅、酒店。輕井澤美麗的風景及雄偉的教堂亦因此吸引了許多人到此地的教堂舉行婚禮。輕井澤除了有濃厚的歐陸風情外,其白絲瀑布及雲場池美景亦十分壯觀,每逢秋季都吸引遊人到此所賞紅葉美景。近年許多大型設施如滑雪場、哥爾夫球場及購物中心紛紛於輕井澤成立,亦為遊人提供了多元化的玩樂體驗,使輕井澤成為非一般的避暑勝地。

雲場池
雲場池素有天鵝湖的美稱。湖面映照出的四季景觀色彩斑斕,美輪美奐。綠意盎然的初夏和紅葉紛飛的清秋是最佳觀賞時節。潺潺的清泉從附近的樹林湧入池中,讓池水如珍珠般飽滿、清澈。池周圍鋪設了步行2025分鐘即可環池一週的林蔭小道,是漫步於大自然的絕佳場所。雲場池是輕井澤景區中必看的名勝景點。

聖パウロカトリック教会
聖保羅教堂( St.Paul's Catholic Church )建於 1935 年,由美國建築大師 A. Raymond 操刀設計,更曾獲美國建築學會大獎。全間教堂均以木材建造,三角形屋頂的木造建築已成為輕井澤的代表建築之一。堂內燈光柔和,氣氛莊嚴神聖中帶點點讓人放鬆的感覺,難怪不少日本人都選擇在此舉行婚禮。據說夏季在此結婚,至少要提早一年預約。


50 則留言:

  1. 回覆
    1. 係喎~ 通常都會即時買件頂當架 ?!

      刪除
    2. 哈哈, 日本買衫咁貴, 而家邊有時間shopping, 洗左算數啦!!

      刪除
  2. 回覆
    1. 早多幾日應該仲正, 已經落咁啲喇!!

      刪除
  3. 哈哈, 保羅頭頂紅噹噹.
    舊輕井澤大街同王子 outlet 購物內容相差太遠, 等我講俾你個 friend 知 :))
    乜你原來去旅行都會著裙 :D

    回覆刪除
    回覆
    1. 著裙仔...完全跟我想像既你唔同喎~ :P

      刪除
    2. Nerissa, 所以我咪唔話佢知有咩outlet囉, 如果唔係? 唔駛走都似 >:)
      牛仔布嗰啲短裙+行山鞋啫, 好causal, 唔會著3吋高踭鞋囉 >:)

      刪除
  4. 請教各位如何影一大堆楓樹唔會影到啲紅葉一pat pat!!

    回覆刪除
    回覆
    1. 上面好幾張遠景啲紅葉影到一pat野, 哈哈!! >:)

      刪除
    2. 我都想知, 請賜教~
      你D相構圖好正呀~~

      刪除
    3. 構圖咪就係上下左右亂咁影囉, 哈哈 >:)

      刪除
    4. 我都想知, 請賜教 x 2
      紅葉影到一pat野 x 2 ><

      刪除
    5. 會唔會係傻瓜機既通病呢? 我部舊機都有呢個影紅色一pat pat的問題!!!

      刪除
    6. 你部傻得黎屬超班果隻喎~

      刪除
    7. 至弊解決唔到影紅色既問題呢......

      刪除
  5. 銀杏葉和元祖多啦A夢好襯色^^
    個湖真係靚
    日本火車有誤點通常都係大件事了,因為一般都好鬼準時的

    回覆刪除
    回覆
    1. 嗰個應該係矢ヶ崎公園個湖, 好有晚秋feel!!
      今次好多誤點, 甚至取消班次, 連巴士都係, 總之就係意外頻頻啦!! >:)

      刪除
  6. 路過,見景色優美,留連一會。

    回覆刪除
  7. 嘩! 相又多又靚! 叮噹構圖襯到絕!

    回覆刪除
    回覆
    1. 哈哈, 怕你地睇到悶, 下篇出少啲相先得!! >:)

      刪除
  8. 回覆
    1. 你都睇完紅葉喎, 就快又去睇雪景, 更加恨死隔籬啦!! >:)

      刪除
  9. 紅葉上像灑上金黃的閃粉,令場景耀目醉人!

    回覆刪除
  10. 蜻蜓,我都想知怎樣影楓葉不會層次不分?
    我有朋友問我拿相做wallpaper,我話我的相難登大雅之堂,我推介你比佢。。。
    佢就話點樣可以問你拿到無壓縮的原本相片,我說你自己想辦法啦!!!!!哈哈
    楓風

    回覆刪除
    回覆
    1. 點影楓葉....無人答我啊, 所以我都答你唔到呢 >:)
      哈, 多謝你幫我做宣傳喎!! 佢想要當然可以啦, 佢方唔方便俾個e-mail address我啊?

      刪除
    2. 謝謝你,我問問他,但貼在這裡嗎?
      楓風

      刪除
    3. 可以去我G+, 好似可以傳送私人訊息的!! (https://plus.google.com/118158778032768194230/posts)

      刪除
  11. 嘩...紅葉銀杏都咁靚,睇到流晒口水:D
    好彩我冇去,去到一定唔捨得走>.<

    回覆刪除
    回覆
    1. 流口水就plan定下年啦!! >:)
      唔捨得走就留個三五七天, 影到飽為止囉!! >:)

      刪除
  12. "楓"在我的眼睛繼續吹......

    回覆刪除
    回覆
    1. 哈哈, 唔係吹沙入眼, 係吹楓入眼!! >:)

      刪除
  13. 雲場池呀 ! 又係點影都咁靚的 !
    火紅楓葉和金黃銀杏,各有美態

    回覆刪除
    回覆
    1. 今次既雲場池係我見過最靚既一次, 影到清晰既倒影, 周圍啲紅黃葉又ok, 不過日光日白影到張"靈異照", 旁邊有隻透明紅衫既手, 後尾諗番應該係友人多重曝光之下既"傑作"... >:)

      刪除
    2. 哦 ~ 呢類"靈異照"我都影過唔少,最正o既一張係我同 Ricky 都半透明o左 :))

      刪除
  14. 哇!成地都紅葉呀!紅過血呀!便當都好味喎!吞口水....

    回覆刪除
    回覆
    1. 紅過血...哈哈, 你形容得咁鬼恐怖架!!

      刪除
  15. 紅葉美景~美得好似畫一樣呀!

    回覆刪除
  16. 好紅好羨慕呀!輕井澤雲場池要16年先見啦!出年要返老地方方河口湖紅葉迴廊!

    回覆刪除
    回覆
    1. 咁快plan定16年.....我出年京都啊!! >:)

      刪除
  17. 路過蜻蜓,輕井澤真的要去一次.

    回覆刪除