2014年12月2日 星期二

不吐不快




要談的,不是運動的對與錯,亦不是贊成或反對。

包圍政總失敗後,茅頭直至雙學,被批評支援不足,部署失敗,引致多人受傷。雙學承認失敗,多次躹躬致歉。

心痛是,行動中有人受傷,更心痛的是,雙學被「內外圍攻」。佔領者一直強調這個運動沒有領袖,只有參與者。大家眼見自己配備的是甚麼「攻擊性武器」,亦看清對手是一群一早已失去理性的野蠻人,見人就打,大家更應明白雙學實戰不足,對手卻是身經百戰的黑警。既然知悉這一切,卻在行動失敗後把所有責任推卸給雙學身上,這跟愛卸責的政府有何兩樣?他們有責任,自己就沒有?是誰去決定你自己的行為?是雙學的「一聲令下」,還是自己對政府的不滿?為甚麼要怪的,不是殘暴不仁的黑警,也不是由始至終袖手旁觀的政府?為甚麼大家的著眼點,一直就只放在警民敵對,而不是罪魁禍手的689?


警察被賦予特權使用武力,就代表可以濫用暴力去發洩積壓過久的情緒?看到他們異常兇狠的用力揮棍,對手卻是拿著一把傘,或是一塊自製盾牌的市民,究竟誰才是暴徒?一方面呼籲佔領者不要挑釁警方,另一方面警方卻在不斷挑釁佔領者,這又是現今警賊的特權?警方發言人宣稱多名警察受傷,為甚麼卻隻字不提被他們打致頭破血流的市民有多少?

民主派行動前不見踪影,行動後卻出來呼籲停止圍堵,代價太大云云(害怕失去自己一席),企圖劃清界線。如果圍堵成功,又是否要出來沾光?

侃侃而談的你,談論示威者抵打,抵死,破壞社會安寧。未有運動前,到處充斥自由行,搶奶粉搶BB床位,在689「英明領導」下,社會安寧不是一早已盪然無存了嗎?佔領者的行為是犯法,你可以捉,可以拉,但就該被打致頭破血流?大家一直強調這是個「法治」社會,犯法不是該由法庭審判嗎?假使有日警察「替天行道」的是你子女,你還笑得出,還講得出風涼話嗎?可惜的是,如今的香港,法治淪為人治,法律已成為政府玩弄政治的一隻棋子。更可悲的是,部份市民把警察的過份暴力視為合理,視為理所當然。

雙學承認失敗,躹躬致歉,這是領導者應有的風範。政府是否應好好檢討,承擔應有的責任?一個理應代表市民的特首,把自己放得高高在上,漠視一切,從不低頭正視群眾,走入人群,那如談得上代表人民?請低頭看看有多少對充滿怨恨目光的眼睛,在怒視你的所作所為吧!

不少人說學民思潮3人絕食沒有作為,只會說這沒用那沒用的你,又是否可以拿出更有用的方案,好讓大家集思廣益?

對於一個以獨權管治的政府來說,無論你做甚麼,的確是徒勞無功,但這就代表你要逆來順受,坐以待斃?給你爛橙照食,叫你坐就坐,站就站(只要不妨礙你的個人利益)?如其說他們的絕食行動是要令政府讓步,倒不如說希望藉此喚醒更多人的政治醒覺。

對我來說,相對暴力衝擊,我更認同絕食及早前學生的「苦行」行動,更能打動人心,凝聚力量,即使起不到即時作用,也可以影響部份人手上的一張選票。

年輕人,未來是你們的,不要氣餒,不要輕易放棄,從失敗中學習,汲取教訓,然後繼續加油!


「如果天總也不亮,那就摸黑過生活;如果發出聲音是危險的,那就保持沉默;如果自覺無力發光的,那就別去照亮別人。但是--但是:不要習慣了黑暗就為黑暗辯護;不要為自己的苟且而得意洋洋;不要嘲諷那些比自己更勇敢更有熱量的人們。可以卑微如塵土,不可扭曲如蛆蟲。」~曼德拉





19 則留言:

  1. 有冇聽到 689 既鱷魚淚, 正人渣.

    回覆刪除
    回覆
    1. 無喎, 人渣二字都已經抬舉左佢喇!!

      刪除
  2. 有時,留得青山在,不怕沒材燒,此路不通,可行第二條路.

    回覆刪除
    回覆
    1. 我諗雙學都有諗過退, 問題係在場人仕好多都堅持唔退, 雙學又唔可以拋低佢地唔理, 然後自己話退, 所以變成而家既膠著狀態囉, 我都認同應該行第二條路。

      刪除
  3. 蜻蜓,我絕對認同妳所說靜坐,絕食和苦行,比暴力沖擊更適當。沖擊只會給在旁指指點點的人更多口實,亦給黑警有機會以暴力對付爭取自由的人。
    而妳 quote Mandela 的一段更令人感動。
    生於這一代的年輕人,加油 !

    回覆刪除
    回覆
    1. 睇到啲警察打人嗰樣, 真係好似惡魔咁, 背後配埋689個奸笑樣, 嘩, 可以拍套電影"香港末日" >:)

      刪除
  4. 琴日係網上見到一篇文章覺得好正:
    ****************************************************
    示威者霸住條馬路,你話佢哋係暴徒!
    大陸孕婦霸住晒啲床位,你有無話佢哋係暴徒?
    大陸學生霸住啲學位,你有無話佢哋係暴徒?
    水貨客霸住條路又買晒啲奶粉,你有無話佢哋係暴徒?
    藥房、金鋪、連鎖店、領匯霸晒啲舖位,你有無話佢哋係暴徒?
    *****
    如果你無,咁你做乜咁緊張去鬧示威者呀?
    即係你覺得條馬路仲重要過你老婆無床位生仔!
    條馬路仲重要過你啲仔女升學無學位!
    條馬路仲重要過你啲小朋友無奶粉食!
    條馬路仲重要過無晒啲街坊平靚正小店!
    ****************************************************
    其實我都唔明點解有人會覺得警察用暴力係正常?點解老婆仔女比人強姦緊都會覺得係正常?

    PS.琴日有段片我重複睇左十幾次都覺得好好笑,話說有警察打到high左捉錯左另一個警察來打,正宗殺紅了眼,見人就打已經分唔到係咩人,一份工有幾萬人工又可以合法周街打人,仲好過做皇帝:D (苦中作樂一下...>.<)

    回覆刪除
    回覆
    1. 我也有看過, 講得好啊!! 將暴力合理化, 何等歪理!!

      刪除
    2. 天下事,無其不有,天下一員的香港,豈可例外?!

      刪除
  5. 因學生的一套給別有用心的人滲和了,搞到現時的人鬼難分!
    既然如此,雙學其實應一方面要糾合自己的力量,另方面便要跟那些人劃清界線,然後再覓地方或形式的繼續抗爭,那可比現時環境有利!

    回覆刪除
    回覆
    1. 其實好多時自己身邊啲人係人定係鬼都分唔到啦, 可況咁大個場呢? 應該要換形式喇, 不過點換呢, 我無呢個政治智慧, 所以只能夠繼續幫佢地打氣!!

      刪除
  6. 其實這些問題,並不是由梁振英開始,是以前已經有問題出現,為何那麼討厭梁振英?是因為他親中?還是各位討厭中國?年輕人有理想是好的,但眼見現在所謂晚晚在旺角的「鳩嗚」團,做些無謂白痴行為,真的令我更加難以想像﹗

    回覆刪除
    回覆
    1. 有啲問題的確不是由梁開始, 所以係前幾屆都討厭架!!
      至於點解討厭一個人, 好多因素既, 可能係樣衰, 可能係無觀眾緣, 無親和力, 當然, 最大問題係處事手法啦!! 其實我篇野都有講, 把自己放得高高在上, 唔走入人群, 點樣可以叫做代表市民, 有問題發生唔係選擇有商有量, 而係關上大門唔理, 叫警察採用暴力震壓, 這是暴君行為!!
      係咪討厭中國如何界定? 反對佢既政策就係討厭中國? 聽晒佢話就叫愛國? 而家似乎係政府將我地推開喎!!
      年輕人思想好直接, 因為佢地無利益考慮, 唔駛因為怕無左份工, 怕利益受到損害而唔敢出聲, 唔敢行動, 大人們既理想, 早已塵歸塵, 土歸土。
      大家一般咩時候會去鳩嗚呢? 可能係唔開心, 想發洩, 咁咪去鳩嗚發洩情緒囉, 有時真係好無謂架, 買左件衫番去又唔係咁鍾意, 成年無著過, 幾無謂呢!! 不過呢種發洩, 都好過啲警賊用暴力打人發洩自己既不滿情緒囉!!
      最後, 我覺得鳩嗚團比自由行順眼好多喎!! 哈哈!! >:)

      刪除
  7. 這是我最近最有心機睇一篇文章。
    蜻蜓, 寫出我的心聲。
    希望雙學們都平安, 保持實力, 正所謂 " 留得青山在, 那怕無柴燒" !
    面對這個被一黨文化洗腦的政府官員,我們真的很憤怒但又無奈。

    回覆刪除
    回覆
    1. 謝謝!! 天氣咁凍絕食, 好辛苦呢!! 大家都睇到個呢政府有幾冷血!!

      刪除
  8. 講得好好!絕對同意,飯民不知所謂!不過絕食係冇用,689想學民死快D⋯⋯!

    回覆刪除
    回覆
    1. http://thehousenewsbloggers.net/2014/12/04/二十年後的悔過書/
      作為家中有孩子的父母親,看見學民仔絶食,係人都會心痛除咗個人渣政府。

      刪除
    2. 佢地唔係人, 所以唔稱得上人渣!!!

      刪除
  9. 要罵的要說我,大家都道出我的心聲,不如聽聽歌吧.祝福我家.
    http://blogcity.me/blog/reply_blog.asp?f=YFP7GITUOH239628&id=687165

    回覆刪除