2015年4月10日 星期五

2015年4月 日本三重縣熊野古道充電之旅 ~ 序




再一次證明,我跟雨水有緣。

一邊京都,另一邊廂東京都是大藍天,
而我身處兩者之間,卻只能從雲隙中感受陽光的溫度

撇除天氣不說,還是有點小驚喜,
航班上就有個高大型男背著女友”,跟我閒聊至航班降落,
談理想談人生體驗,有點show off卻不令人討厭,
是消磨了時間,卻看不到我至愛的窗外浮雲。

提起賞櫻,大家都只會想到大阪、京都或是東京,
但其實,名古屋的櫻花毫不遜色,
山崎川如瀑布瀉下的夢幻夜櫻,
五條川開得瘋了的櫻花盛宴,
那智山落櫻地氈的凋零淒美
櫻花的美,很短暫,卻更教人珍惜生命的可貴。


為了一張古道照,
攀山涉水走進深山低谷,
踏上馬越峠的石疊路,
爬鐵梯登上522的天狗倉山,
因突然放晴,即興地從松本峠下降至海邊的鬼ヶ城步道,
再原路折返松本峠繼續旅程,
體力耗盡,就連煩惱都沒腦力去想起。

在神聖的境地那智山,心境確實有過一刻的澄清。
經過熊野三山之一的速玉大社淨化,
滿以為已經注滿了能量,
結果踏上神倉神社魔鬼步道"的一刻,
能量再次歸零

重返都市,櫻花落盡,
只好寄情“血併”,從神聖的國度,回歸物欲世界


山崎川夜櫻



五條川




山崎川


伊勢神宮~內宮


五十鈴川




伊勢神宮~外宮


熊野古道~馬越峠線


天狗倉山


那智山


那智の滝


落櫻地氈


串本橋杭岩



熊野古道~松本峠


鬼ヶ城步道



熊野速玉大社



神倉神社


名古屋城外櫻地氈

 
名城公園
 




82 則留言:

  1. 回覆
    1. 無話可說!
      可說的就是我的手信,還有電話簿 :))

      刪除
    2. 咁快手啊, 手信同書幾時俾你? 電話簿就....實在無位放, 留返俾"大藍天"啦!! 哈哈!! >:)

      刪除
    3. 啊地勤姐姐話我個hand carry太大, 要寄埋倉, 我話易碎品喎, 佢話無問題, 貼張label 就ok, 因為航機好爆, 唔可以攞咁大件hand carry, 最後迫我寄埋, 其實只係一個大袋, 放喺坐椅底都夠位....

      刪除
    4. 你個袋有幾大下次講俾我知。
      如果叫大藍天買電話簿佢實笑我笑到合唔埋口唧 :))

      刪除
    5. 你睇番我九州之旅頭1,2篇有post過架!

      刪除
    6. 落櫻地氈正呀。

      山卡拉地方就好囉,市區的話,晨早已經地氈式掃光,無可能見到。

      刪除
    7. 你連個icon都咁藍真係想blacklist你,哈哈哈!
      咁你下次出trip去山卡拉囉!

      刪除
    8. 你個D先叫靚靚相~
      我個D有排都未夠班.

      刪除
    9. 阿蘇算唔算較山卡拉?

      背包豬,4月2朝早我係睇完你篇東京桜見攻略先去,唔該哂!

      刪除
    10. 我都係成日去背包豬度取經架, 資料夠齊夠集中!!!

      刪除
  2. 五十鈴川的霧氣加櫻花,猶如仙景 :x
    落櫻地氈靚過樹上的櫻花呢 !

    回覆刪除
    回覆
    1. 五十鈴川櫻花滿開, 有櫻花祭, 不過一路都落雨, 連攤擋都只係開左一兩檔, 好冷清!!!

      刪除
  3. 遠山帶霧賞櫻又是另一番景致,很美。這個四月我去了京都,雨水甚多呢! 不過雨中影櫻花也有另一種美。(自我安慰中)

    回覆刪除
    回覆
    1. 4月2日京都大太陽喎,聽講清水寺逼爆,咁多人我實無心機影相。。。等睇你嘅雨中櫻靚相!

      刪除
  4. 第一張相已經好吸引!
    鬼ヶ城步道 - 曾經睇過相, 原來係呢度.
    你返來仲行得呀, 勁!

    回覆刪除
    回覆
    1. 第一張係那智山大門坂線, 如果你有機會玩那智山(神社+瀑布), 建議喺大門坂落車行上去, 條古道真係好有feel!!
      鬼ヶ城步道之前打風損毀封左, 3月頭先至開番咋!
      我返嚟第二日就要返工兼返學, 攰到死....

      刪除
    2. 大門坂線絕對係power spot。 我上次凌晨機到,去到即刻好似差足電咁,好神奇㗎!

      刪除
    3. 佢嗰度個氣場真係勁,超有靈氣feel,唔知係咪少人關係呢...

      刪除
  5. 恭喜你完成咗哩個咁艱巨嘅任務,啲櫻花都開得好靚吖,係太陽爭咁啲唧!

    回覆刪除
    回覆
    1. 其實慢慢行都ok既, 喺松本峠落左去又上番嚟"甘"啲!! 櫻花去到剛好滿開, 鬼ヶ城原本都滿開, 不過之前勁風勁雨, 去到剛好落晒...

      刪除
    2. 我都firm左11月去京都不過乜都未搞,淨係出左機票咋!殺到埋身先算拉......哈哈

      刪除
    3. 住宿你點搵啊,樂天都仲係出得幾間貴野...

      刪除
    4. 我完全未搵,宜家做緊月尾嗰轉,返嚟先搞!

      刪除
    5. 有平住宿記得話我知啊!不過你好似唔係住平野...

      刪除
    6. 唔係播,我浄係温泉旅館先會俾貴少少,其他都係平野!今期我有朋友喺京都影相,無端端張相入面有個着和服小朋友坐喺度,嚇死佢

      刪除
    7. 嘩, 咁驚嚇!! 有無delete張相啊?

      刪除
  6. 咁快回來,陰天都影到咁靓相,加多個like..........

    回覆刪除
    回覆
    1. 唔快喇, 8日喇!! 哈, 多謝你日行一善!! ^^

      刪除
  7. 你D櫻花都唔差喎,其實我都係prefer去D偏僻少少地方賞櫻,起碼無咁多人,不過依D地方一定要同埋老公去囉...
    京都大阪依D超人氣嘅地方,都預咗逼爆,只係勝在一個人去係無咩難度
    曾經聽過你今年會去京都睇紅葉,你要有心理準備一樣係會係逼爆

    回覆刪除
    回覆
    1. 無個大藍天櫻花啲色差好遠, 無咁sharp囉!! 其實五條川都好多人, 嗰日係平日, 上午都少人啲, 中午後水道2邊攤檔加人潮, 水洩不通, 啲人好似唔駛返工咁!!
      係啊, 我都真係担心11月京都紅葉, 不過唔係國內黃金週, 應該無咁多人啩....... :(

      刪除
    2. 都總好過京都依D地方,我早上10點左右去到清水寺都好多人,下午不敢想像,仲要係交通,巴士爆哂棚,塞車塞到傻,要雙倍時間先去到目的地,未夠5點返到京都駅都唔敢再去其他地方,驚唔知幾點先再返到,只係响車站附近行吓

      雖然唔係國內黃金週但都唔少其他遊客,京都住宿又超貴及超爆,要早D book 定呀

      刪除
    3. BTW,你今次D相無整外框嘅...

      刪除
    4. 京都住宿我都担心緊,但係之前睇樂天仲係無咩選擇,之前住過嗰間又話只接受3個月內嘅預訂,有無啲而家就可以訂呢?

      刪除
    5. 外框係upload左相先醒起,未回魂...

      刪除
  8. 妳的櫻花相吸引C人!! 攪到我下期又想再去賞櫻...
    同意落櫻地氈靚過樹上的櫻花呢. 淒美迷人意境, 正!!!

    回覆刪除
    回覆
    1. 京都, 大阪我去時不是假期, 都超人多, 啲人真的好似唔駛返工咁!!

      刪除
    2. 去啦,揀名古屋,無咁多人啊!我見到咁多人以為佢地有賞櫻假期添啊,哈哈!

      刪除
  9. 那智の滝很有名,原來賞櫻也不錯
    鬼ヶ城步道的海岸風景也特別

    回覆刪除
    回覆
    1. 同啲friend講那智山同熊野古道,全部都話未聽過...
      鬼ヶ城步道真係好值得推介,好正!

      刪除
  10. "不令人討厭," <--- 只是因為他是高大型男 XD

    回覆刪除
    回覆
    1. 哈哈哈,未必逢高大型男都受歡迎架,只係覺得好少八十後講野咁頭頭是道啫!

      刪除
    2. 嘩,差點睇漏左全篇亮點,好彩albert highlighted出黎。

      刪除
    3. 哈哈哈,好明顯唔係亮點,因為大家多數都係睇相唔睇文字...

      刪除
    4. コーさん & 路過蜻蜓 另一亮點是櫻花樹下的樓梯情侶,因為好有我映的 Style XDD

      刪除
    5. "好少八十後講野咁頭頭是道啫"你點知人地八十後?唔通一同你傾就報上年齡?仲有叫得人地八十後,唔通你係............九十後 >:)

      刪除
    6. albert大大, 睇得你啲靚相多, 點都偷到啲師既 >:)

      刪除
    7. Nerissa, 佢自己講的, 三十未到既八十後 >:)
      我個樣都唔似九十後啦, 哈哈哈..... >:)

      刪除
    8. 其實我唔明,蜻蜓小姐坐窗邊A or F,即一對男女朋友坐BC or DE。

      咁高大威猛風流倜儻英俊瀟灑型男應該自動坐corridor側,好少會坐中間,背著女友同你傾計。>:)

      刪除
    9. 因為無連位,佢女朋友坐後幾排,唔係同一排啊!哈哈,你啲形容詞好似多左啲喎...

      刪除
  11. 回覆
    1. 係啊,真係想瞓落去影,可惜落緊雨...

      刪除
  12. 遇不到櫻花藍天作背景,比個藉口自己去多次^_^不過我都覺得好靚呀,今次你去賞櫻,都可以行到山,你真係掂呀﹗

    回覆刪除
    回覆
    1. 名古屋其實都有好多賞櫻景點, 有啲原本諗住去既都無去到, 去多一次都好大機會!! 其實今次只係安排1整日賞櫻, 主打行山, 不過見到咁多唔同既櫻花景, 都好滿足喇!!

      刪除
  13. 又一個令人羨慕既旅程 :D
    風景真係太靚啦~
    而且一上機就有「靘遇」更令人羨慕 XD

    回覆刪除
    回覆
    1. 呢個都唔算艷遇啦, 佢女友坐喺後幾排, 其實佢可能想睇下可唔可以調一調位, 哈哈哈!! >:)

      刪除
  14. 唔係跟雨水有緣嘅!可能某個階段在某個地方,會發生某些事情,回頭過去,會領悟萬事萬物因緣際會,造物者的奇妙約會呢!

    回覆刪除
    回覆
    1. 雨水,考驗你的耐性,考驗你的忠誠。

      刪除
    2. 我又無耐性,又無忠誠,所以呢個考驗好明顯failed...

      刪除
    3. 明知會落雨都仍然去旅行去攝影,就係對旅行同攝影的忠誠熱愛啦!

      刪除
    4. 哈哈, 去到無理由唔影... >:)

      刪除
  15. 蜻蜓,還以為你應驗了我所說的,有異地情緣添。。。
    櫻花很靚,我五月去到名古屋,希望看到美麗的紫滕花。
    楓風

    回覆刪除
    回覆
    1. 哈哈哈, 老餅仲艷乜鬼野遇啊....
      紫藤花我都想睇, 影多啲靚相返嚟等我止下渴先!! >:)

      刪除
  16. 開了google account 啦,避免被你個網站删走。

    回覆刪除
    回覆
    1. 哈, 太好了, 咁你5月名古屋就喺呢度寫blog啦!! >:)

      刪除
  17. 非常漂亮的日本各地櫻花!
    這是台灣駐英工程師假日遊日本,拍了2萬多張相片,再組合成此微記錄片,在歐洲得獎,而紅回台灣的喔!
    ※(點每一張圖片會自動慢慢360度轉動!)。
    http://www.google.com.tw/landing/japanview/#cherryblossoms

    回覆刪除
    回覆
    1. 好靚啊!!! 有不同背景襯托, 所以日本櫻花同紅葉真係睇極都唔厭!!

      刪除
  18. 好靚呀, 你有無朋友和你一齊同行架??

    回覆刪除
  19. 去左好多地方﹐遊記有排追了

    回覆刪除
    回覆
    1. 唔係好多啫, 行山相其實好多景都差唔多, 或者好快寫玩!! :b

      刪除
  20. 古道有點陰森 , 蜻蜓有好大的膽子 !!

    回覆刪除
    回覆
    1. 唔陰森, 沿路間唔中都會遇到一兩個人 (應該係"人"啩, 哈哈).... >:)

      刪除
    2. 哈哈 , 仲想八一八 , 可有與高大型男交換電話呢 ?

      刪除
    3. 哈哈.............無喎!! >:)

      刪除
  21. 夜櫻花~影得好實在既感覺~有心思!

    回覆刪除
    回覆
    1. 謝謝!! 山崎川夜櫻好值得推介, 比我看過的京都夜櫻正!!

      刪除