2014年10月24日 星期五

見光死




昨晚看在某媒體在fb發佈的新聞及照片,發現自己差點就被拍到(還要是近攝)。見光的話,我就真的可以實踐日本旅遊一個月的計劃了。又或者可以效法G先生的解釋,一下班便從九龍乘車到金鐘,「只是路過」,哈哈!

民主自由很珍貴,你不爭取,就會漸漸被奪去


********************************************************

報導一則:

「警隊「一哥」曾偉雄昨正式批准兩個警察員工協會,為同袍進行內部募捐,早前捲入公民黨成員曾健超被打疑案、正被停職的七名警員料也可獲支援。」

打傷人的不是應該接受制裁嗎?還有錢收?被警察打傷的市民呢?689說選舉不應向低下階層傾斜,那就可以向暴力及高收入人仕傾斜?


10月24日中午








致敬!!(10月24日早上)



只能夠拍到側面



***************************************






龍貓撐...


叮噹也撐...


連Snoopy都撐!














笑死咗!(原相:電影等一個人咖啡的周慧敏)







《就讓》
作詞:王丹  作曲:丘丘
演唱︰丘丘

隔著雨傘的海洋
我看見你的臉
香港,堅強的你淚流滿面

那就讓大雨落下吧
讓中環的燈火濕潤你的目光
在無法繼續苟且的日子裡
就讓悲傷一滴一滴滲入泥土

就讓淚水培植的土壤
成就新的家園吧
香港
就讓光輝歲月從今天開始

從今天開始
就讓每一個人
在心底,開出一朵自由的花

30 則留言:

  1. 前線的勇士加油 !
    香港加油 !

    回覆刪除
  2. 自由由藝術開始,開出朵朵心花

    回覆刪除
    回覆
    1. 係啊, 所以一定要留下記錄, 清場的話就會全部被破壞架喇!!

      刪除
  3. 蜻蜓,恕我講一些可能你哋唔太啱聽嘅說話,無錯我係非常支持班學生,好欣賞佢哋嘅理想同堅持,但去到今時今日,我開始擔心佢哋,如果萬一到最後真係輸咗的話,我恐怕佢哋受唔起打擊,因為佢哋始終年青,部份心靈脆弱嘅唔知會有咩反應,好驚佢哋唔知會唔會做D咩傻事囉...

    或者因為我個仔正正係依嗰年紀又係大學生,如果佢响香港讀的話我相信佢好大可能會坐响金鐘,毋疑我哋一定會支持佢,但背後會好擔心好擔心,我相信大部份學生的父母都會有依種感受,所以我希望依件事可以儘快結束,等D學生可以過番D正常讀書生活,佢哋仲有漫長嘅人生路,往後仲有好多時間,除咗爭取民主自由外,仲有好多事情等住佢哋去做,唔好太執著了...

    回覆刪除
    回覆
    1. 無所謂, 呢度言論好自由架喎, 哈哈!
      其實, 點樣為之羸點樣為之輸呢, 清場即係輸, 唔可以令政府讓步就係輸? 我諗好多人都預左政府唔會讓步, 而且會暴力清場, 但係, 當你做一件事情, 未必只有1個結果。通過呢個運動, 令到大家看清政府既所作所為, 看清某一啲人眼中只有利益, 看到保護市民既警察"懷疑"同黑勢力勾結, 暴力對付民眾, 看到官員既無能無智慧, 從而令大家明白一個真正普選產生既特首係幾咁重要, 更重要既係, 看到一班一直被標簽為"廢青"既年輕人比大人更識得諗更識得克制等等, 呢個運動, 無論最終收場係點, 已經係成功咗!!
      至於你驚啲學生會受唔住打擊, 就應該唔會發生, 喺呢件事上面, 最堅強最忍耐既佢地, 今次失敗, 咪下次再嚟囉, 人喺要不斷經歷失敗先會成長, 先會成功既!!
      做父母的, 擔心一定會有, 但係畢竟佢地仲有漫漫長路, 佢地想爭取將來生活喺一個自由環境既社會, 我地應該支持既!! 當然爭取民主自由之外, 仲有好多事情要做, 但係無一個民主自由既環境, 係好多野都做唔到架!!

      刪除
    2. 我只係想表達做學生父母內心一D感受,將來香港係依班年青人,我都好希望佢哋爭取成功,亦但願如你所言,學生係經得失敗同打擊,今次失敗咪下次再嚟囉...

      刪除
    3. Nerissa感受甚深喇, 一方面支持個女, 一方面又要擔心佢!! 佢地的確唔可以喺度坐一世, 適當既時候撤退係智慧, 不過咩係適當時候呢...似乎過咗, 點收科呢, 最唔希望既當然係暴力清場啦!!

      刪除
    4. 唔好意思我想加幾句,希望大家唔好介意:D 3J家庭我相信你係一個好媽媽好家長,你咁關心仔仔仔仔一定生活得好幸福 :D 如果今次「失敗」唔一定會再有下次機會,要知道今日既時勢係一日比一日差,除左蜻蜓講個啲,另一樣最危險既就係而家日日好多大陸人入侵,每日150單程證,每年幾萬個大陸學生讀1年垃圾master變香港人,每年幾萬雙非,每年n個所謂專材,如果再等落去唔洗幾多年,就算比個真民主真選舉你真正香港人都一定會輸,唔好低估大陸清洗香港人能力!唔講到咁遠講而家,唔知你知唔知有好多機構已經係專請大陸人而唔請香港人,唔好以為香港人有料到就可以同人公平競爭,講鬥平鬥賤,講人脈關係香港人一定輸,而家跟本成個政府,再加上社會都傾向大陸一邊,香港人就快被消滅,或者變成三等公民...我相會大家都想香港政府係為香港人服務而唔係為大陸服務?人生漫漫長路,以後仲有好多時間,要玩既要去旅行以後幾時去都得,呢個就係自由社會既可貴,但一旦失去自由到時後悔就已經返唔到轉頭,我唔想連facebook yahoo都上唔到...一個運動對人生而言只係一個好小時間,所以有人願意花小小時間去換一個相當美好既將來^^無論結果係點,祝福學生平安,希望所以學生可以平安回家,香港有更美好將來~

      刪除
    5. Matthew Chung,我認同你講嘅說話,現在嘅香港已經變作質,越嚟越唔屬於香港人,有時我都好氣憤

      我關注係學生方面,人生每個階段有唔同責任,求學時要努力讀書,當然並唔係一味只顧讀書,亦都要關心其他事情,响唔影響讀書情況下做自己喜歡做嘅事係完全無問題,但事件拖得太耐對佢哋嘅學業一定會有影響,事後如果要負法律嘅責任會影響佢哋將來嘅前途,雖然我相信到最後政府會放佢哋一馬,為咗一個咁卑鄙嘅689同一個無能嘅政府,依個賭注是否太大? 是否值得? 而我哋依一班所謂成年人,是否要D學生去背負咁重嘅責任? 畢竟佢哋係最年青嘅一群,我唔忍心佢哋受到傷害,佢哋亦唔應該受到依種傷害,至於其他人,我相信佢哋會有能力面對將來嘅結果...

      不過事到如今,好多事情都番唔到轉頭,點收科呢? 真係唔知...

      刪除
    6. 而家真係有好多大陸人湧入嚟, 環境衛生都差左啦, 隨地大小便!!
      至於值唔值得呢, 我地唔可以代學生答既, 畢竟條人生路係佢地自己既, 大家既價值觀都唔同, 我地認為啱既, 佢地未必適用。
      希望最終大家都能安全回家, 政府能夠作出適當既回應。

      刪除
    7. 總之我覺得宜家做學生真係好辛苦,除咗要忍受宜家不知所謂嘅教育政策外,仲要面對個不知所謂嘅香港政府
      無錯,人生路係佢哋自己嘅,各人有各人嘅價值觀,每人都有選擇權利,唯有祝福佢哋可以成功爭取到佢哋想得到嘅嘢,大家都能安全回家,重返校園過番D正常嘅讀書生活

      刪除
    8. 大家都係關心學生,關心香港,如果個個都係咁諗香港就有希望啦 >.<
      其實由一開始我都覺得今次唔應該係學生既責任,應該係我地成年人既責任,可惜我地又為佢地做過啲咩?結果就迫成一班學生自己為自己爭取將來,面對佢地我真係好慚愧...佢地呢個年齡應該係享受年青,享受讀書,但係呢班被標籤為驕生慣養既一代都願意唔怕辛苦走出來,可想而知佢地對呢個香港有幾絕望!至於值唔值得咁做我相信佢地比我地外人更清楚~
      而家既年青人比起我地個代醒目好多叻好多啦,回想以前自己仲係呢個年紀自己仲係一舊飯...我做青少年﹑學校工作,見慣佢地啦,佢地識既野係想像唔到咁多,讀書情況都唔洗太擔心,就算係支持呢個運動既學生都唔係每一個人會外出支持,走上街頭都係少數,而且絕大部份都係有正常返學,只不過佢地要四出頻撲真係好好好辛苦 >.<
      今次點收科真係唔知,將來香港變成點亦都唔知,只希望大家平安香港平安,祝福學生,祝福大家,祝福香港!

      刪除
    9. 哈, 我以前讀書都係一舊飯!! >:)

      刪除
  4. 唔明,見光就被炒?你老闆都唔睇什麼媒體FB啦嘛??

    回覆刪除
    回覆
    1. 哈哈,蜻蜓做嗰個機構比較敏感,所以我諗就係咁解啩。

      刪除
    2. 想去一個月日本你企喺CCTVB 鏡頭前面就得 >:)

      刪除
    3. コーさん, 上司可以得罪, 呢個尊貴既客戶唔得罪得! 如果我帶黃絲帶返工, 肯定連門口都入唔到, 仲以後都唔駛返, 哈哈!! 至於我喺邊度做, 自己估啦, 不過我唔可以喺度開估, 好容易被人起底, 私底下問我就可以!!
      Nerissa, 唔駛CCTVB, 熱X時報或者獨X媒體都死得, 哈哈!!

      刪除
  5. 如果影到你,可以認到你嗎?

    回覆刪除
  6. 屋企望出去影嘅? 喺屋企可以望到獅子山,幸せです :)

    回覆刪除
    回覆
    1. 住高層獅子山景的中產。=))

      刪除
    2. 我係獅子山下既貧民, 中產.... 無我份 >:)

      刪除
  7. 當連一塊布都容不下, 更枉說不同聲音, 可悲 !!!

    回覆刪除
    回覆
    1. 咪係, 今日城市大學又掛左出嚟, 哈哈, 遍地開花!!

      刪除