(攝於中輕井澤)
10月楓的季節，追楓反被風追著跑，九天的行程就這樣瘋掉了！
或者自以為仍是十八廿二，才會計劃一個馬不停蹄的旅程。行行重行行，才明白到自己真正的極限。
低處未算低，腰部劇痛，腸胃不適，惡劣天氣，錯過巴士班次，愁雲慘霧的八甲田山頂，被偷去了顏色的青池，沒有趕羊show的小岩井農場，迷失再迷失的地獄沼及石の教堂等等等等……
雖然惡夢連連，卻仍是無法自己的愛上這個地方。那温婉動人的奧入瀨溪流，恬靜和諧的蔦七沼及十二湖，彩色地氈的八甲田山麓，衝擊視覺的青森大型山車，秋意滿溢的酸ヶ湯温泉，滿地秋色的中輕井澤…即使雨中傘子遮掩了天空，紅樹秋楓還是令你泥足深陷，不能自拔。
最後還得感謝風和雨，清新了空氣，滋潤了大地，散落了一地秋意，造就了一場金黃色的雨！教我學會即使境況多壞，只要用心感受，還是會發現其美麗的一面…
藏王高原
十和田市現代美術館
奧入瀬溪流
蔦溫泉
酸ヶ湯溫泉
八甲田山麓
青森ねぶたの里
青森縣立美術館
十二湖
小岩井農場
新花卷宮澤賢治童話村
輕井澤
很美很美的秋色。相信"艷"照陸續有來。
回覆刪除哈哈, 艷照....
刪除這些已是最好的了, 下雨天很難拍照!!
「十和田市現代美術館」那個好搞笑，期待。 ::kk3111
回覆刪除係啊, 隻鬼好得意, 好似飄下飄下咁!!
刪除漂亮得不懂說話，看了又看。
回覆刪除謝謝博樂看了又看, 日本秋天紅葉色彩很豐富, 目不暇給呢!!
刪除WOW~~ D景好靚呀~ 醉了~~~~~
回覆刪除醒啊醒啊!! 哈哈, 靚就去啦!!
刪除濃妝豔抹的秋色真美麗！
回覆刪除紅, 黃, 橙, 綠, 雖然下雨, 仍然很美!!
刪除嘻，我去蔵王又影張 >:) D相飽和度好高，雨後，又另一個層次！ 讚！btw, 我用緊Nokia 上Blogspot，無閃，無跳，順暢 :D
回覆刪除藏王嗰張係片貝沼, 近鳥兜駅嗰邊架!! http://zao-utoria.com/jp/summer/katahira.php
刪除可能我用左陰天模式, 所以啲顏色深色啲, 不過其實現場睇色彩更豐富架, 唔知點解影唔到出嚟!! :(
我用手機上一log in blogspot 就不停咁跳, 只可以用匿名留言, 唔知點解!!
嗯，咁你睇到Blogspot 時系網絡版？定手機版？我系睇手機版，只要ck鼠系網絡版。
刪除我首先係入左G+先, 然後click入去blog度, 睇就無問題, 但係一留言回應就要登入, 一按登入個畫面就係咁跳, 連密碼都無機會打落去, 完全登入唔到!! 我試過手機版同網絡版都唔得!!
刪除嗯，咁系正常。因為Google+ 係要確認分享，需要轉兩次頁面。我自己無用。。。你如果單純寫Blog ，可以考慮解除Google+ 試吓，不過，之前喺Google+嘅留言會Delete哂，無得救！！ >:)
刪除小肥你好勁啊, 我log out左G+就登入到blogger喇, yeah!!
刪除我鍾意用網絡版，係因為網絡版我先識得 click 旁邊o的 blog 友 link o黎睇 blog 嘛，個手機版只係 show 到中間果個畫面，又放到鬼咁大，迫爆我個 Mon 呀 ! :P
刪除係啊, 手機版出唔晒所有野, 不過睇相就清晰啲, 有好有唔好啦!!
刪除旅行的一個驚喜就是在預計不到的情況下仍能投入，享受旅途中每一份感動
回覆刪除算是吧, 但還是希望有個藍天白雲大太陽, 幾天都好吖, 我差不多日日落雨...........
刪除天氣確難預計。秋葉好靚，希望你义足電。腰患可大可少，如果腰肌勞損更要小心，如果唔怕，針灸或者是一個幫到治療選擇。
刪除今次旅程確實累人, 不過見到咁靚既風景, 攰死都抵, 哈哈!
刪除其實我試過好多方法喇, 中西療法都試過晒, 可惜無用!! 名符其實的無藥可救! :b
艱辛過後得來的秋色份外美艷和珍貴的呢！
回覆刪除是舊患嗎？回來後身體好了些沒有？好好休息，最多唔催你的遊記 …… 住 :))
腰算是舊患, 但係之前睇過醫生照過X光揾唔到問題, 好多時打完波或者一朝早起身彎唔到, 今次仲衰, 第二日瞓醒痛到連床都落唔到, 我以為腰骨移左位, 痛足全程, 死捱咋!!
刪除返嚟又咳, 都唔知係咪俾人落左降頭................黑!! >:)
我都係好多時在早上腰痛醒的，亦試過唔可以用腰力起身，我諗你的情況都係差唔多，不過相信我的是工作勞損，因要時常彎著腰工作呢 ! :(
刪除物理治療師有講過其中2節骨與骨之間個位比較窄, 好容易會唔知點樣就發炎喎!! 而家仲痛緊, 今日要去睇跌打喇!!
刪除聽其他有去東北嘅blog友講，奧入瀨一帶冇乜紅兼綠草如茵，睇落都唔係呀~ 紅楓尤在，仲好豔麗㖭 :))
回覆刪除我去嗰日2排高高既樹全部黃葉, 超靚, 溪流旁就5, 6成紅黃葉, 不過唔知點解影唔到啲顏色出嚟, 唔知部相機係咪"色盲"呢, 哈哈哈!!
刪除點解天氣唔好都可以影得咁靚:-?，唔係一定要藍天架[-X ，陰天下的紅葉又有另一種美態:-bd
回覆刪除唔好夾硬嚟，要保重身體呀;)
其實上面戶外相全部都落緊中至大雨 (除左藏王無落雨), 邊打傘邊影相, 影10張濛左8張, 呢啲已經係最靚架喇!! 藍色背景點都好過灰白色背景既............今次條腰痛死左, 唔夾硬都唔得!! :b
刪除風雨飄搖下的中輕井澤楓景仍然美不勝收!澳入瀨清澈的溪流洗滌心靈~~~十二湖美景為有恆心的人兒而留!!
回覆刪除被雨水滋潤過既紅葉份外美麗, 不過就真係好難影, 鬆郁濛比較多!! 奧入瀨真係好好好好好靚, 有機會去下啦, 有排你影!!
刪除路過蜻蜓,
回覆刪除Wor! Marvellous!
Ksze
謝謝Ksze, 好耐無見喇!! 幾時到你影啲靚相返嚟睇下啊?
刪除風景好靚,多謝分享!
回覆刪除好野梗係要大家分享, 吸引多啲人去親身感受下嘛!! >:)
刪除其實落雨有乜好怕喎 , 能親歷遍野盛放紅葉 , 已值回票價 , 期待下一輯的驚喜 !!
回覆刪除哈哈, 唔好期待喇, 因為落雨啲相好多鬆郁濛, 睇呢輯算啦!! >:)
刪除今次旅程落雨的確唔算可怕, 更可怕的是令你迷失方向的大霧..........
咁快返黎，看到張满山紅葉已值回票價）
回覆刪除唔快喇, 玩左9日喇!! 滿山紅葉是在纜車內拍的, 上到山頂雲霧一片, 咩都睇唔到啊!!
刪除你岩岩又去左日本啦, 真係好呀
回覆刪除D風景都好靚呀
係啊, 東北風景超正, 有機會你都去下啦!!
刪除八甲田山麓橙紅的一大遍令人窒息， 奧入瀬溪流的瀑布在陰雨天下使你得嘗所願。每次旅行都有人生的啟悟，使我看後也獲益良多！謝謝蜻蜓！
回覆刪除窒息....有高山反應啊, 哈哈!! >:)
刪除奧入瀨溪流嗰日落足一日雨, 無腳架仲要攞住把遮, 好難影啊, 好多鬆郁濛, 行完成身污糟晒!! 啲人生啟悟, 轉個頭唔記得晒喇, 哈哈!! >:)
我很擔心你在日本時有没有颱風的影響。
回覆刪除上面你拍的照片都很漂亮！！！
謝謝!! 我也很擔心呢!! 我26日回港, 預測颱風那天最接近關東, 幸好轉了方向, 偏離了日本, 我才能順利回來呢!! 不過就差不多天天下雨........
刪除您那些比我的紅多了，靚多了！
回覆刪除有代價架, 日日落雨, 幾掃興!!
刪除你就好有咁多靚紅葉睇, 我就一片都遇唔到喇8->
回覆刪除紅葉雖靚, 但日日落雨都幾影響心情, 擔住把遮好麻煩, 仲要成日要抺相機!!
刪除Kitty：你揀o的地方唔條樂園就係沙漠，沙漠又點會有紅葉呢 ?! :))
刪除哈哈哈, 沙漠有紅葉奇景啊, 一定吸引好多人參觀!! >:)
刪除我由九州上到富士山, 紅葉都唔見得幾多塊 :(
刪除但係嗰富士山靚到暈呢!!
刪除萬紫千紅,美不勝收!如斯美景,看得人心醉神迷啊!
回覆刪除如果唔落雨就醉上加醉喇!!
刪除我都剛剛去完返來喇, 依家好羨慕你由行, 可以逗留幾個鐘都得, 我哋得9個字時間咋, 真係好唔夠喉.
回覆刪除咁快啲post相啦!! 你下次都試下自由行啦, 自由啲嘛!! >:)
刪除期待下一篇! 遍山紅葉真美! 另外美術館前的小鬼很可愛。
回覆刪除啲相好難揀啊, 因為落雨天好多鬆郁濛... :b
刪除我也很喜歡那隻"大"鬼, 好像真的會飄起來, 哈哈!!
There's a serene beauty about the various kinds of scenery: perhaps the result of being steeped in the spirit of Chinese Zen?
回覆刪除日本的確很多充滿禪意的景色, 置身其中, 心境也變得詳和及平靜!!!
刪除八甲田山, 依然懐念, 睇見又想去番轉....
回覆刪除去啦去啦!! >:)
刪除最好post番啲靚相出嚟重溫下........
嘩嘩嘩, 好靚呀, 楓得好徹底
回覆刪除亦瘋得很徹底, 哈哈 >:)
刪除一片楓葉海，太美了！～
回覆刪除東北大自然風景真係好靚, 加埋紅葉就更完美, 一定會再去呢!!
刪除攝於中輕井澤那幅、散落了一地秋意！
回覆刪除奧入瀬溪流 、 那水怎地拍得那麼美麗！
可惜蜻蜓又病倒了！現下好了嗎？
係啊, 落緊雨, 多添了幾分愁.....
刪除如果唔落雨就會喺呢度hea足大半日喇, 實在好好好靚..............
仲咳緊, 去前病到去後...........
銚子大瀧影得好靚呀^^
回覆刪除哈....銚子大瀧算是奧入瀨最容易影得靚既景點喇!! ^^
刪除算點先? 一下子這麼多美景, 教人如何消失.
回覆刪除哈哈, 咁咪慢慢喺度hea下飲杯茶先走囉!! >:)
刪除金黃得讓人心動!
回覆刪除多謝分享!
不用客氣，好野應該同大家分享既!! ^^
刪除作者已經移除這則留言。
回覆刪除影奧入瀬溪流瀑布，你 用iso 80，光卷f/8，快門1/5 sec, 唔用tripod，手好定喎，影得好好，對焦前了一些，不過 autofocus d 水係好難的，老天俾個陰天你，冇ND filter都 OK，就晒你啦！
回覆刪除f8已經最盡喇, 最衰係下雨天, 唔係陰天呢! 對焦應該對邊度呢? 瀑布比較易影, 因為水流急, 影溪流就唔掂喇, 一用慢少少嘅快門就過曝, 效果唔好, 無ND唔得啊!
刪除路過蜻蜓,中輕井澤的紅葉很美,我看完後想明年到這裏追楓,到時問你拿詳細資料.
回覆刪除哈哈, 吸引到你地去我就最開心啦!! >:)
刪除中輕井澤同輕井澤紅葉都係呢個時間最盛(十月廿幾號), 你可以選擇1日中輕井澤1日輕井澤(輕井澤踏單車最好), 當然最後係3日啦!! ^^
八甲田山麓，好似張地毯，好靚呀！
回覆刪除係啊, 可惜喺纜車入面, 出唔到去呢, 去到山頂已經被雲霧遮晒喇!!
刪除