2017年4月28日 星期五

2017年4月 東北關東花見行



今年的復活節,櫻花依然是我鏡頭下的主角。同事問道,年年賞櫻,不厭嗎?「一年才只有一次機會,怎麼會厭?」

因為天氣關係,櫻花期不斷延遲。最初滿心期待東北北部的賞櫻熱點行程(弘前城、角館、小岩井、北上展勝地等)全都泡湯,只能南移至仙台及福島一帶。

問道我今次的目的地,「福島。」這個回答把他們嚇個半死,包括我的友人們。

「你不怕死嗎?」大家問,然後又是一個又一個的護士朋友說….(每談到福島輻射,大家突然就會多了很多護士朋友說”)。死,這刻沒想過,反正天要你亡,走出街也會被車撞死吧!

五天的福島住宿,開花狀況一再延遲,到埗後行程改了再改,最後雖無緣二本松及三春瀧櫻,但花見山及白石川堤帶給我的震撼,久久未能平息。花開到花落,熱鬧到寂靜,彷佛造了一場短暫美麗的夢,但願這一睡不醒,醉死在永不凋零的花海裏

仙台城跡


青葉神社


鹿島神社


大崎八幡宮


岡公園


提起福島,大家只會想起核輻射,但這天以後,它的代名詞是 : 桃。花。源。
 (攝於福島花見山)


置身桃花源,是真實,還是夢一場...





白石城


白石神明社



雪山、列車、櫻海,延續一場華麗的夢...
(攝於白石川堤)







船岡城趾



花開花落,熱鬧過後,遊人漸散。放下了相機,調慢了步伐,
細賞夕陽穿過樹梢的光與影,終於找到了最閒適的節奏...



告別櫻海,大地換上了瑰麗奪目的地氈,迎來接踵而至的驚歎與掌聲。
(攝於秩父羊山公園)




一場櫻花雨,預示了春去夏來,還未來得及享受讚歎,便已散落一地...
(攝於秩父羊山公園)



日立海濱公園



天地一色









從櫻花、芝櫻、到粉蝶花,最後以草間彌生的「わが永遠の魂」作為終點,但這場如夢似幻的旅程,將在我夢裏延續,沒有句號


51 則留言:

  1. 哈哈,我啲相仲有一排執.

    回覆刪除
    回覆
    1. 慢慢囉, 我仲未出完15年9月大地藝術祭啲遊記, 哈哈!!

      刪除
  2. 咁多年嚟我只去過一次關西賞櫻(跟團),就那一次我已經覺得好夠了、提不起興趣再去賞櫻,只有興趣看紅葉,直至見到你呢輯相,又再一次把我的概念和感覺都顛覆了,福島花見山的粉紅與黃簡直美呆了!!! 一定要搵機會去一次!!
    好懷念的東北,所以睇呢篇遊記都特別開心醒神,希望下年可以成行去一轉,不過要去咗冬天先

    回覆刪除
    回覆
    1. 對我嚟講, 日本賞櫻及賞楓永遠不會覺得夠, 花見山俾我睇到另一種味道既櫻花, 真係好值得去!! 重點係東北既櫻花多數有雪山做背景!!
      冬天去邊?

      刪除
    2. 想 12 月初去東北的大內宿、銀山温泉,詳細行程未 plan

      刪除
    3. 想 12 月初去東北的大內宿、銀山温泉,詳細行程未 plan

      刪除
    4. 我今次原本都想去大內宿, 不過交通有啲麻煩, 要等下次喇!

      刪除
  3. 果然有去賞櫻呢^^
    福島我諗係咪少遊人,可以盡情賞花了,不似其他熱門地區咁賞人多過賞花呢

    回覆刪除
    回覆
    1. 哈哈, 每年復活節指定動作啦!
      其實都唔算少人, 花見山好多人, 而且係數一數二既賞花景點呢!

      刪除
  4. 福島花見山靚到不得了﹗

    回覆刪除
    回覆
    1. 所以今次旅程我去左2次, 佢有2條路線我都行左2轉!!

      刪除
  5. WOW!相片中的景色靚到...令我猶如在夢中

    回覆刪除
  6. 櫻花桃花油葉花,仲有好多唔同顏色既花,一次行程可以睇到咁多花超開心~
    配上火車雪山等等襯托,張張相都超靚~

    回覆刪除
    回覆
    1. 咁你下次會唔會考下呢?雪山加櫻花真係超正!

      刪除
    2. 一定會考慮啦,唔係你介紹我都唔知有咁靚既地方,即刻放入旅行list :D

      刪除
  7. 原來你去咗東北賞櫻,正呀...
    我有幸在311前去過福島,因為當時唔係花期無去花見山,不過就去了五色沼、磐梯高原、會津若松、豬苖代湖及大內宿
    以上地方真係好值得去,只係到現在D人都仲聞福島色變,好可惜
    你幾號去日立海浜公園? 我14號去都只得3分咲

    回覆刪除
    回覆
    1. 之前去過東北2次都係賞楓, 今年試下賞櫻, 結果是喜出望外!!
      大內宿我今次都有諗過去, 不過交通比較費時, 下次時間鬆動啲一定會去。
      原本plan係17號去, 但只得7成, 所以推到回港嗰日19號先去!

      刪除
    2. 大內宿個位置係比較隔涉,我上次揸車去就無問題
      今次plan去茨城就算無藍花花都會去日立,所以一直都無期望,原本安排咗9號去添,後來因為落雨先改咗返香港前一日去,見到3分已經好開心,我個行程篇都放咗幾張相,其實可能唔只3分,因為我見第二日已經有5分了

      刪除
    3. 我之前都無太大期望, 以為都只係睇到3成, 所以有啲喜出望外! 10月我會再去日立呢!

      刪除
  8. 前幾日先見到三春瀧櫻嘅相,真係好靚!你就好啦,已經破咗魔咒,天氣咁好!我依然仲係咁黑仔.....唉!希望下個月中去屋久島天氣好d啦!

    回覆刪除
    回覆
    1. 我今次最想去係花見山, 白石川堤同三春瀧櫻, 我落番東京嗰陣三春瀧櫻先剛開花, 所以惟有放棄!!
      其實旅程都有落雨, 不過多數係我差唔多行完景點先落。今年天氣凍啲花期遲晒, 所以頭2日都無乜花睇, 有花睇都敵唔過大風, 春の嵐好快就吹甩晒啲櫻花。天氣好反常, 一係得2度, 一係廿幾度, 唔病已經好好彩!!
      屋久島我超想去, 去完快啲post遊記啊!

      刪除
    2. 宜家有d淆底,喺屋久島第一日要行10個鐘,第二日要行6個鐘,一向少運動嘅我真係擔心體力未必應付到!不過諗起自己一把年紀,再唔去就冇得去,所以先頂硬上!哈哈

      刪除
    3. 頂住頂住, 我精神與你同在, 哈哈!趁未出發呢排行下山鍛鍊下先啦!

      刪除
    4. 你行最難嗰條線? 心形洞嗰條? 我都想行呢條啊!

      刪除
    5. 15號冇乜時間行啦,今日仲病埋!會行繩文杉同埋白谷雲水峽,另外夜晚會睇海龜生疍、基本上4點起身玩到夜晚12點,冇得走鷄!蜻蜓去就easy job啦,你本身有行開山!

      刪除
    6. 睇完你啲景點節目真係想跟埋去!病就要多啲休息同食藥喇

      刪除
  9. 睇過你既福島靚相,我都要plan下先^^
    我囡囡上週出發,第一站都係福島。同家人講佢去福島,第一反應又係幅射-_-#

    回覆刪除
    回覆
    1. plan定下年囉!其實福島縣有好多賞櫻靚景, 我都會玩多轉!

      刪除
  10. 醉人的櫻花雨...唔識點形容喇 "靚" "正"

    回覆刪除
  11. 桃花源 @ 福島 !? 真美 ^^

    回覆刪除
  12. 我都諗住睇夠櫻花,只諗住睇紅葉. 你d相靚c人.
    去福島, 你真係勇呢!

    回覆刪除
  13. 靚成咁,俾你引死嘞蜻蜓!

    藍色花花我一定要去睇!

    秩父熱嘛? 我上次去曬到行得好辛苦。

    回覆刪除
    回覆
    1. 秩父同日立都好熱啊, 差唔多三十度好似夏天咁!! 我10月再去日立睇掃帚草呢 >:)

      刪除
  14. 蜻蜓你好櫻呀,地方咁鬼靚就算係詩都抵啦.

    回覆刪除
    回覆
    1. 哈哈, 的確好櫻呢!! 可以死係花海裏就正囉!! >:)

      刪除
  15. 哇,太靚了!死都值得,哈哈!

    回覆刪除
  16. 藍色花花好靚﹐係邊度

    回覆刪除
    回覆
    1. 日立海濱公園: http://hitachikaihin.jp/
      10月有紅色掃帚草睇!!

      刪除
  17. 漂亮的粉蝶花,蜻蜓,你好快點寫和歌山啦!
    咪偷懶!

    回覆刪除
    回覆
    1. 哈哈, 我15年大地藝術祭都未寫完...... >:)

      刪除
  18. 漂亮的粉蝶花,很美!! 日立海濱公園, 想去看看, 可惜仍未有時間, 下次, 下次.....~~

    回覆刪除
    回覆
    1. 粉蝶花真係好靚, 我10月會再去日立睇掃帚草啊! >:)

      刪除
  19. 太犯規la, 邊可能靚得咁緊要, 似足動畫場景一樣, 要幾靚有幾靚

    回覆刪除
    回覆
    1. 哈哈, 咁下之我post啲甩皮甩骨啦, 但我驚無人睇.... >:)

      刪除
  20. 櫻花.芝櫻.粉蝶花.油菜花.藍花花花.一次見到咁多花.又咁靚.謝謝分享!

    回覆刪除