2016年1月2日 星期六

再見,2015!




2015,走得很快。

臉上除加添了一條皺紋,更多了一道傷痕(打波弄傷的),要在“破相”中送舊迎新,加上感冒由平安夜到現在仍未痊癒,似乎又是個霉運年的開始

2015的上半年,一直處於谷底,即使努力往上爬,還是爬一步跌兩步的。然後下半年,重新踏上“聯賽”這塊踏腳石,一直迷失的自己彷彿找到了方向,尋回了消失已久的自信。但當狀態不斷提升,傷患卻又提醒著你不要過度沾沾自喜。人生不過如是,你以為處於順境,其實挫敗與挑戰正迎面而來。

感情事,學會了放下,卻又跌入另一個陷阱,「莫道你在選擇人,人亦能選擇你」,一個在乎你的,與一個你在乎的。選擇了前者,就會欺騙了自己的真心;選擇了後者,就會錯過了一個在乎你的人。有時覺得,自己與感情這回事欠缺一點緣份。

友人贈言:「該放手就要放手,唔係會好辛苦」,2016第一件事,或者就是要學會另一次放手


送給各位blog友:
「給自己一雙翅膀,夢想沒到過的地方」,振翅高飛


84 則留言:

  1. 人一生總有許多不如意… 人、事、物… 也總是在不太合宜的時候到來!可是並不要緊、只要真心面對自己、也就無愧無悔了!
    也覺得2015過得特別快… 也許、是要讓蜻蜓更快把2015的晦氣逆轉過來吧!
    祝妳新一年事事順利順心!迎来好運!

    回覆刪除
    回覆
    1. 2015過得太快, 就覺得自己老得太快了, 哈哈!! >:)
      希望大家都好運連連啦!

      刪除
  2. 人一生總有許多不如意… 人、事、物… 也總是在不太合宜的時候到來!可是並不要緊、只要真心面對自己、也就無愧無悔了!
    也覺得2015過得特別快… 也許、是要讓蜻蜓更快把2015的晦氣逆轉過來吧!
    祝妳新一年事事順利順心!迎来好運!

    回覆刪除
  3. 回覆
    1. 有健康既身體, 先可以繼續週圍飛呢!! >:)

      刪除
  4. 新一年,事事順利,身體健康🐇

    回覆刪除
  5. 一年得一條皺紋咁少? 我多咗好多...
    年紀越大越需要一個「在乎你的」多過一個「你在乎的」,因為已經無太多時間去花在一個「你在乎的」人身上了...
    祝2016年身體健康、生活愉快、旅行時天天天晴!

    回覆刪除
    回覆
    1. 哈哈, 一年一條好聽啲嘛!! >:)
      我都知俾人愛係好, 但在乎你嗰個你對佢無feel喎...諗來諗去, 或者都係一個人自由自在啲....

      刪除
  6. 呢2年想得多, 白頭髮多了好多.
    一個在乎你的,與一個你在乎的.... 讓緣份選擇吧.
    祝新一年開心快樂, 去多d 旅行, 寫多d 遊記 :)

    回覆刪除
    回覆
    1. 白頭髮, 我都多左幾條....
      讓緣份選擇....可惜我已經唔係十八廿二呢!! >:)
      新一年大家都要密密飛, 不停玩啊!!

      刪除
    2. 我朋友當年41歲結婚, 佢話唔好放棄呀 :)

      刪除
    3. 我已是七老八十, 哈哈!!! >:)

      刪除
  7. 祝願你2016年事事順利﹗心情一日好過一日,新年快樂﹗

    回覆刪除
    回覆
    1. 謝謝Bonnie, 祝你心想事成, 身體健康!!

      刪除
  8. 懂得去愛和被愛也是件幸福的事~~~~!!
    祝早日痊癒靚過以前^^繼續振翅高飛......

    回覆刪除
    回覆
    1. 哈哈, 靚過以前就一定唔會啦, 皺紋都多左幾條!! >:)

      刪除
  9. 在感情路上,「該放手就要放手,唔係會好辛苦」這句話易明、易懂,卻難做到;在2016年,我和你一樣,要學會放手。 難過 ~ 難過的時刻總會過去,雖然心是苦了點、痛了點,共勉之! 新的一年新的開始,新年快樂!

    回覆刪除
    回覆
    1. 的確好難做到, 下了好幾次決心都係失敗, 反覆的心痛與難過....新一年, 大家都努力啦!! 希望你可以早日"放手"!!

      刪除
  10. 祝妳
    新年快樂
    青春常駐
    萬事順利

    回覆刪除
    回覆
    1. 希望你心想事成, 身體健康, 天天快樂!!

      刪除
  11. 昨日的過去,隨它過去。
    明天的來臨,讓它豐盛。
    路過蜻蜓,新年快樂!

    回覆刪除
    回覆
    1. 謝謝Story Teller, 都祝你新年快樂, 心想事成!!

      刪除
  12. 借用一句:
    忘記背後,努力面前,向著標竿直跑!

    回覆刪除
    回覆
    1. 過來人話架, 揀一個鍾意你既比揀一個你鍾意既會幸福啲, 送首歌俾你"The One You Love" :)
      https://www.youtube.com/watch?v=9Z_ZpcUmDjk

      刪除
    2. 知易行難.....道理係明, 要實行就真係...有啲難!!

      刪除
    3. 愛係一種浪漫,受傷都係一種浪漫,就是你可以承受幾多,當沒辦法承受得起的時候,選擇一個平穩既生活至係長久。

      刪除
    4. 受傷都係一種浪漫? 你是雙魚座的嗎? >:)
      或者人係貪心啩, 始終希望身邊嗰個係自己鍾意嗰個....

      刪除
    5. "其實 乜嘢先至係真實而恆久嘅呢?
      或者我應該就咁保存住呢一份渴望 希冀
      俾我相信世上有一幸福 垂手可得 又永遠喺掌握之外
      有時 激情捉喺手裡面 會化為灰燼 反而藏喺心底 可以歷久常新
      貪求思慕只因癡 一切眼淚 思憶都係徒然"
      幾多燦爛而刻骨銘心隨時間流逝都會變成平常.

      刪除
    6. 在乎你嗰個你只當佢係friend, 你在乎嗰個佢又只當你係friend, 咁即刻應該唔好揀!!

      刪除
  13. 蜻蜓,我現在告知你,我的職業。。。整容除疤醫生。。既然你有需要,作為你的致交網友,免費為你磨皮除疤。(當然是說笑)
    嘗過苦才知甚麼叫甜,願大家先苦後甜。

    回覆刪除
    回覆
    1. 哈哈, 你是"黃綠"吧!! >:)
      嘗了太多苦, 似乎還未嘗到甜呢!!

      刪除
    2. 是否一個人不重要,最重要你開心和舒服,找到一個你全心全意愛的,但最終又是否對你最好?人不要折磨自己,一切隨心吧!

      刪除
    3. 感情事實在太惱人, 又想飛了, 哈哈!! >:)

      刪除
  14. 新一年~新開始!Happy New Year 2016!~v~

    回覆刪除
    回覆
    1. 新年快樂, 祝你們一家繼續上山下海,天天快樂!!

      刪除
  15. 新一年~新開始!Happy New Year 2016!~v~

    回覆刪除
  16. 咁橋,豚媽比較信邪,我由30號病到宜家仲未好,又係感冒喎!唔通因為大家都去過 化X念.......哈哈!btw 新年快樂,身體健康

    回覆刪除
    回覆
    1. 啲鼻水就係清唔到, 個人成日都好攰咁, 唔通要去拜下神? >:)

      刪除
    2. 祝你新年快樂, 繼續不停飛不停玩不停買不停食啊!!! >:)

      刪除
  17. 祝新年進步,身體健康,事事顺利,笑口常開!

    回覆刪除
  18. 新年快樂! 我都覺2015身體差左! 真係年紀大,機械壞..

    回覆刪除
    回覆
    1. 新年快樂!! 你呢句"年紀大, 機械壞"完全係講緊我咁啊!! >:)

      刪除
  19. 蜻蜓,人生路上如意事無一二,挫折不重要,重要是能重新振作。妳能重新參加聯賽是很好的事,小小苦楚當激勵。至於感情方面,妳覺得兩難,但我常鼓勵年輕女子,若真要選擇,選一個他愛妳多於妳愛他的,將來會比較幸福,這是我大半生人累積下來經驗。妳送給 blog 友 :「給自己一雙翅膀,夢想沒到過的地方」,振翅高飛… 亦要送給自己。祝福妳來年找到方向,加油呀 !

    回覆刪除
    回覆
    1. 我已經不是"年輕女子"了, 哈哈!! >:)
      我也明白選一個他愛你多於你愛他的會較幸福, 或者我是較忠於感覺吧, 始終都係無法抉擇, 或者唔揀, 一個人算了!!

      刪除
  20. 祝蜻蜓早日痊癒, 新一年事事順利, 找到真正幸福!!
    2016加油...

    回覆刪除
    回覆
    1. 多謝Betty!! 你都要身體健康, 做個開心快活人!!

      刪除
  21. 選擇志趣相投的,會多個靈魂伴侶,選擇被寵愛的,會多個照顧你的人。

    回覆刪除
    回覆
    1. 假如可以, 我會選擇一個我在乎的...

      刪除
    2. 但係如果你在乎既人似乎只當你係朋友呢...

      刪除
    3. 蜻蜓,如果對方無心就不要勉強。。。不過,你有向他坦白過嗎?

      刪除
    4. 那個人有甚麼吸引你?裡裡外外都要分析,因為要了解自己須要甚麼,就從你喜歡甚麼開始。

      刪除
    5. 一個老實但沉悶, 一個相處舒服但唔嗲唔吊...

      刪除
    6. 既然那人咁唔嗲唔吊 ,自己又放不下,我會行出一步向他表白...
      如果佢都有同樣感覺這一步就值得了,相反,就向別的發展好了!!

      刪除
    7. 表白.....需要好大勇氣,我無呢!! :b

      刪除
  22. 希望蜻蜓今年健健康康,無論係旅遊上或者生活上都繼續周圍高飛,加油!!!

    回覆刪除
    回覆
    1. 多謝晒啊!! 不過無錢飛唔起.... >:)
      大家加油喇!!

      刪除
  23. 新年快樂啊。

    哎呀,乜真係咁難揀呀?如果可以搓埋嚟做瀨尿牛丸就好嘞。話唔定2016真係有瀨尿牛丸出現呢!

    回覆刪除
    回覆
    1. 瀨尿牛丸, 咁都俾你諗到!!
      難揀所以唔揀喇, 繼續1個人飛!! Yeah!!
      >:)

      刪除
  24. 蜻蜓繼續振翅高飛..帶著健康力量!加油!

    回覆刪除
    回覆
    1. 謝謝tiger303, 好耐無見呢!! 祝你新一年心想事成, 身體健康!!

      刪除
  25. 蜻蜓,你唔理我。。。(哭)
    你 miss我個留言定唔想答。。。
    唔想就不用勉強。

    回覆刪除
    回覆
    1. 係?
      向他坦白? 哈哈, 無喎....

      刪除
    2. 因為怕?怕最後連朋友都冇得做?
      還是尊嚴?天使魔鬼混合體難求呀。。。
      人總有缺點,性格老實好的

      刪除
    3. 真係驚連friend都無得做, 所以算啦, 暫時順其自然吧!!
      我諗相處舒服係最重要既, 老實人令我有啲唔自在, 所以呢.....

      刪除
    4. 明白,尊重你所選的,最重要你開心。

      刪除
    5. 開心....唔多開心架, 你在乎的,他不大在乎你, 在乎你的,你又不大在乎, 就是這樣了...

      刪除
  26. 蜻蜓,找一個愛你多過你愛他會最幸福.

    回覆刪除
    回覆
    1. 我都知道的, 但因為有比較, 所以進退兩難啊!!

      刪除
  27. happy new year!學會放下是做人的宗旨,是一世也學不完,不如送你一首2015年相當出色的廣東歌.
    http://blogcity.me/blog/reply_blog.asp?f=YFP7GITUOH239628&id=789064

    回覆刪除
    回覆
    1. 謝謝!! "放下"這課題的確是一生也學不完呢!!

      刪除
  28. 你最愛的不一定是最愛你的,
    在一起的不一定是你最愛的,
    活在當下, 珍惜眼前人.

    另蜻蜓, 我來取經, 想請教山陰山陽, 四國有甚麼建議嗎??
    想玩大歩危、祖谷‧高知, 道後溫泉,鳥取的砂丘.


    回覆刪除
    回覆
    1. 我知啊,問題係2個都喺你眼前,總係想揀個自己喜歡的...
      你幾時去?我復活節去四國睇瀬戸內藝術祭呢!!
      我無去高知同道後,如果你係櫻花期去, 大步危JR駅有一排櫻花好靚, 我上次係搭巴士去小便小僧, 然後行2小時去藤蔓橋, 再搭巴士去小步危, 然後行個幾鐘去大步危搭JR返高松(呢度玩1日),鳥取沙丘我住左2晚喺沙丘附近,清晨一天光就可以行去沙丘, 趁無人影下啲沙丘風紋,1日可以玩浦富海岸(有步道),你喜歡鬼太郎的話可以落境港玩半日,然後出雲大社, 再落岩國, 廣島, 宮島, 倉敷,玩完山陰山陽落四國。
      如果你唔多時間的話,四國可以高松同德島為中心點咁玩,高松可搭船去直島(玩1日)同小豆島(玩1日),一日大小步危,一日栗林公園+金刀比羅宮, 德島就玩眉山, 阿波舞會館, 渦之道或搭船睇漩渦, 加加埋埋都玩十幾日喇!!

      刪除
    2. 感情事很累人,那隨心而行吧......

      復活節四天,櫻花期前後都不能放假,11月假期已經透支。
      我SUMMER 去2-3 星期都O.K.
      玩完山陰山陽落四國, 有甚麼交通串連??

      刪除
    3. 你山陰山陽的遊記我已經看完了。中間我會加上尾道,四國其他同樣可以照抄....THX!!
      玩完山陰山陽落四國, 剛開始看旅遊書,沒有頭緒。。。。

      刪除
    4. 廣島可以坐巴士/船/JR往四國: http://www.shikoku.gr.jp/access/list/hiroshima
      我既四國遊記(舊網址): http://blog.xuite.net/dragonfly2013/blog?st=c&p=1&w=5935306

      刪除
  29. 繼續觀察,隨着時間的轉移,對方和你察察下便擦出火花.

    回覆刪除
    回覆
    1. 隨著時間的轉移,我臉上啲皺紋都多左好多條啦, 仲有鬼火花咩!! >:)

      刪除
  30. 這裏很美.我剛去了回來.你拍得很好.謝謝分享.祝你新年快樂!心想事成!身體健康!

    回覆刪除
    回覆
    1. 嗰度地方唔算大, 但啲燈飾都好靚!! 我都祝你新一年萬事如意, 不停飛不停玩!!

      刪除
  31. 當你被一個「你在乎的」傷害太多時,你逐漸便會選擇一個「在乎你的」的了,但願你唔會經歷到

    回覆刪除
    回覆
    1. "當你被一個「你在乎的」傷害太多時...", 好耐之前已經經歷過了!!!! :~(

      刪除