2015年11月16日 星期一

2015年4月 日本三重縣熊野古道充電之旅(最終回) ~ 第七天:熊野聖域 ~ 新宮 + 第八天:名古屋城



近日有點忙,
有點煩,
忙於籌備原是期待已久到現在沒有期望的京都紅葉之旅,
忙於聯賽及練波,
忙於砌高達模型,
忙於看「阿加斯自傳」

至於煩,
就是煩於隊員之間的滋事者,
煩於波友之間的溝通,
一己付出被視為理所當然,
煩於身心的新傷舊患

這篇遊記的最終回也只能草草了事,
然後把“忙”與“煩”全都拋低,
在京都的紅葉國度中自由飛翔

I believe I can fly, I believe I can touch the sky

************************************************************************

第七天 熊野市巴士 熊野速玉大社(徒步) 神倉神社(JR 熊野市(巴士)>名古屋(地鐵)>大須觀音(地鐵)>名古屋(宿:ホテル 
ル・ウエスト

今天的行程原是熊野古道的通り峠丸山千枚田路線,但見窗外有雨,只好選擇“悠閒”的神社遊。

旅館早餐


熊野速玉大社,是熊野三山之一(另外兩個為那智大社及本宮大社),未知是否時間尚早,大社范圍空無一人,更覺靈氣迫人,只有我獨享這片充滿能量的磁場。遊盪片刻,一群當地旅行團到著,我便急忙的逃離現場,趕往神倉神社。
熊野速玉大社



樹齡超過800年的神木





  
















穿過橫街窄巷,手上的地圖都被雨水溶掉了大半。神倉神社跟花窟神社一樣,也是以巨石為參拜對象,但在到達巨石前,必須先走上一段五百多級的陡坡石級,事前毫不知情的我,以為是悠閒散策,結果未登頂已經氣喘如牛。石階在雨水沖刷下,更顯濕滑,只能步步為營。到達神社便遇見一位友善伯伯,替我拍照之餘還閒聊了一會。



迎接我的是500多級的石階...





神倉神社







因要趕及下一班JR回熊野市,不作久留又要回程下山了,超過45度角的石級既窄且高,頗為陡峭,比上山時更為膽顫心驚。


下降至地面,即全速飛奔往JR新宮駅,返回熊野市又要飛奔回旅館取行李,再匆匆跑到前往名古屋的巴士站,不斷的奔跑,連午餐都只能以蛋糕充飢。

踏上前往名古屋的巴士,急速的心跳才安隱下來。中途站才有票務員上車收取車資,原是3600円的車資不知何故只收取了3000円。

3個多小時的車程,重返石屎森林,有點悵然若失。到酒店放下行李後,便出動到大須觀音逛街購物,迷失在人群中















第八天 名古屋(地鐵)>名古屋城+名城公園(地鐵)> 名古屋(名鐵)>中部國際機場 香港

一早又是陰雨綿綿,乘地鐵到名古屋城,樹上已不見櫻花踪影,卻見對面名城公園仍有部份燦爛的櫻花隨風飄揚。

名古屋城





對面的名城公園

















名城公園











悠閒了小半天,讓腳步放慢,心靈放輕。在勞累的旅程中,原來最想要的,就是此刻最放鬆的心情

再見,熊野古道,再見,名古屋!







~ ~


交通

第七天
熊野市 新宮熊野速玉大社(巴士 45分鐘,830円)
新宮 熊野市(JR30分鐘,410円)
熊野市 名古屋(巴士3.5小時,3000円)
名古屋 大須觀音(地鐵,200円)
大須觀音 名古屋(地鐵,200円)

第八天
名古屋 名古屋城(地鐵,240円)
名古屋城 名古屋(地鐵,240円)
名古屋 名古屋中部國際機場(名鐵,1小時,870円)

景點介紹
(網上資料)

熊野速玉大社

熊野速玉大社是熊野三個重要神社之一,它位於紀伊半島東南沿海的新宮市內寺廟所在地山高林密,海拔高愈4 千米的山岳地帶,據傳說這帶是神靈聚居地, 在公元10世紀前後,速玉大社連同其他兩個神社:本宮大社,那智大社,被共稱為熊野三山也是日本神話中為一個重要的神聖地點,而這三神社頓成為日本朝聖者心中的聖地

速玉大社自10世紀前後已在原址創立雖然目前的建築物是後來重建,但從一些文物中可追溯其悠長的歷史據說神道教神明在神社不遠處的一塊岩石上降臨 故現址岩石已成為參拜石了,在神社內有棵古老大樹據說樹齡快800年了這也成為神迹而被人敬拜對像了。

神倉神社

神倉神社是熊野速玉大社管理下的一座神社。位于神倉山上。據日本最古老的曆史書《古事記》、《日本書紀》記載,該山就是神武天皇(第一代天皇)進攻關東地區時為祈求勝利而登上的天磐盾山。傳說天皇因為中了居住在此山上的山神的毒氣而失去知覺,此時高倉下命手持神劍趕來,天皇和士兵們因此而蘇醒過來。天皇攜帶這把神劍,平定了熊野和大和地方。神倉神社中就供奉著高倉下命和太陽女神、天照大神等。

另亦傳說神倉神社的巨石是熊野眾神靈降臨的地方,是速玉大社的元宮。




53 則留言:

  1. 嘩! 趕住收工出發? 無字嘅?

    回覆刪除
    回覆
    1. 哈哈,加左文字,不過啲字唔知點解全部排左中,較極都排唔到左!!

      刪除
  2. 早起有著數,影到無人的相片,為何沒有期望的京都紅葉之旅?是近來煩事影響?好快就出發,到时甚麼事都忘記啦,旅行是吃喝玩樂,玩得開心啲﹗

    回覆刪除
    回覆
    1. 多謝晒!!
      煩到連行程都無心機plan, 哈哈!! 去到至算啦, 不過話今年紅葉好似麻麻地, 所以都無期望喇!!

      刪除
  3. 今年京都D红葉好唔掂喎!少红得黃,綠2色或枯葉多,我宜家開始要揾定食野資料!唉.......

    回覆刪除
    回覆
    1. 之前啲人又話今年啲紅葉會紅啲既??? 食野我無要求, 去到邊食到邊囉, 都唔知有無時間食, 而且又人山人海!!

      刪除
    2. 我睇左日本人影d红葉相,佢地都話今年冇期待!天氣暖同埋成日落雨係最大問題!有d地方巳落葉

      刪除
    3. 唔係下哇!!! 咁好慘啫, 咁我2星期點算... :~(
      你嗰幾日去邊幾個神社? 我頭幾日暫定行程係第1日奈良, 第2日高雄, 第3日善峯寺, 勝持寺同嵐山, 第4日南禪寺永觀堂一帶, 到時再話你知咩環境!!

      刪除
    4. 知唔知銀杏情況又點呢?

      刪除
    5. 銀杏前幾日見d日本人影出嚟0K喎,幾靓

      刪除
    6. 0150 delay 到 0330,再delay到0435...但係而家仲未上得機...

      刪除
    7. 吓!咁得人驚,好多人去咩?玩得happy la!

      刪除
    8. 最後5點先起飛...
      尋日去奈良公園,紅葉落左大半,今日唔去高雄驚睇枯枝,改去善峰寺同勝持寺

      刪除
    9. 從另一角度看, 枯枝都很美喔~~

      刪除
    10. 我宜家去緊高雄,因為已訂左旅館

      刪除
    11. 善峰寺好靚,勝持寺開始落葉但都幾靚,大原野神社都ok, 呢幾個地方唔算多人,好舒服,我而家喺永觀堂排緊隊入場,多人到好誇張 ,已經排左大半嗰鐘喇...

      刪除
    12. 你聽日又去邊度?我可能去嵐山

      刪除
    13. 哈,我都係喎,應該會去化野同愛宕念佛寺

      刪除
    14. 我都有諗過去,要睇時間夠唔夠去,今期成日唔夠時間去到咁多地方,可能老咗體力唔夠!2日已經行到腳抽筋,化念聴人講話好猛喎

      刪除
    15. 我第一日行完奈良公園都攰到死...
      嚇人?咁我去唔去好呢…好驚呢啲野喎...

      刪除
    16. 真架!日本仔同台灣仔都有講,叫人去度唔好亂講野,貴船都猛架

      刪除
    17. 去左喇,見好多人下就無咁驚。

      刪除
    18. 今晚去咗宝厳院睇夜楓,得一棵真紅,不過都殘殘地,葉型好似龍爪咁,麻麻囉,一句講哂有啲想叫佢回水嘅感覺!哈哈

      刪除
    19. 如果你唔介意人工化啲嘅,可以考慮下北野天滿宮,因為佢哋打color lighting,所以還好,但只限夜晚!

      刪除
    20. 好多寺院我都想叫佢回水, 哈哈! 北野天滿宮我尾2嗰日去都仲未見頃, 太多綠葉, 失望!!!

      刪除
    21. 你終於都復活喇 ;)) 唔知係咪今期啲枯紅太失望,心力俱疲呢~ :-? 返到嚟又病咗成個禮拜,啱啱至話好番啲,又到部腦瓜咗 8-> .........
      BTW 雖然紅葉唔啱睇,但就變相多咗時間食嘢 \m/ 總好過上年,成日吔飯團,冇啖好食 :P

      刪除
    22. 我返嚟簡真覺得心力交瘁, 好鬼攰!!攰得嚟又唔覺滿足先慘!!部腦瓜左咪好囉, 可以休息下, 哈哈!
      我難得一個十三天假期, 基本上無一個地方感覺十分滿意, 我寧願日日食飯團但有靚相影喇!!

      刪除
  4. 白鴿在觀音脚下探出頭來,妙哉!

    回覆刪除
    回覆
    1. 哈哈, 竟然有人留意到呢張相, 我覺得呢張幾得意!! >:)

      刪除
    2. 哈哈, 我真係有睇相架 :P

      刪除
  5. 慘﹗難得去睇紅葉,未出發已經唔興奮...

    回覆刪除
    回覆
    1. 唉, 睇到和豚媽媽講話好多已經落葉, 一係就未紅, 都無心機啦!!

      刪除
  6. 沒楓葉,就來個放鬆之旅。你近來多煩心事,將這些不好的留在日本吧!

    回覆刪除
    回覆
    1. 惟有係咁, 佢有落葉紅地氈俾我影下都OK既!!

      刪除
  7. 500多級的石階...好腳骨力 !!
    櫻花如雪下.....很醉人.....

    回覆刪除
    回覆
    1. 500多級其實唔係好多, 只係天雨路滑, 石級又高, 真係要行得好小心先得!!

      刪除
  8. 放下煩心事,心情自會好。 蜻蜓用 'I Believe I Can Fly' 這首歌來鼓勵自已,非常好 !

    回覆刪除
  9. 一個旅程的終結又是下次旅桯的開端^^

    回覆刪除
    回覆
    1. 呢次旅程話咁快又結束了, 下次旅程.....應該有排!!無晒錢!! 哈哈!!

      刪除
  10. 我啲朋友去河口湖、輕井沢都遇着落兩,啲葉唔夠紅。都係嗰句,俾自己理由去多次囉。

    噢,特別版柿種,賣飛佛。

    回覆刪除
    回覆
    1. 啲葉未紅已經枯黃, 遇左幾日風雨, 落晒地, 甩皮甩骨, 好失望!!杮種我都鍾意食呢!

      刪除
  11. 滿地櫻花好美啊! 神舍顏色鮮明好像新建般!

    回覆刪除
    回覆
    1. 落過雨空氣特別清新,顏色亦會份外鮮明, 所以落雨都有佢既好處,惟有咁樣安慰自己囉!

      刪除
  12. 回覆
    1. 日日行到死死下,所謂既"見頃", 唉, 都係要睇自己彩數!!今年紅葉, 超失望!!

      刪除
  13. 蜻蜓,你應該回港啦!歡迎精神奕奕回來。

    回覆刪除
  14. 成條滿地櫻花~有種浪漫感覺.

    回覆刪除
  15. 我也很到日本看櫻花,去的時候可以跟著你的行程走.

    回覆刪除
    回覆
    1. 去啦去啦, 就下年4月啦!!不過跟我行程要走好多囉呢!! >:)

      刪除