2015年8月7日 星期五

2015年8月 一時衝動的出走 ~ 越後妻有大地藝術祭




又是因為草間彌生,所以這個大地藝術祭一直是我旅遊名單的前列位置。

從課堂派發的宣傳單張,知道三年一度的藝術祭展期正是今年7月至9月,但11月底及12月已計劃京都及台北之旅,8月又出行的話對我來說似乎太過瘋狂,所以托大好人blog買了本藝術祭guide book止渴便算。結果一看之下

離展期完結餘下時間不多,雖然很想逃離當下極度厭煩的困局,但仍有冗長的final assignment需趕及8月底前完成,所以每天都在重覆「查看機票,內心交戰,關閉網頁」這幾個步驟。直至日前,又在內心交戰之際,手指不聽指揮的按下了確認鍵!結果“迫不得已”地決定了這趟旅程。


很多時候,我們就是想得太多,顧慮太多,最後只落得一次又次的空想。偶爾,我們得需「死就死啦!」的霎時衝動及一時任性,把白日夢付諸實行。是逃避現實也好,是放鬆心情也好,能把自己放逐到一個陌生的空間,不去思索,不去胡思亂想,只專注當下的景物,來一個隨心的修行,即使回來還是要面對困局,但至少,煩惱的日子相對地少了幾天,可以逃避,原來也是一種福份。







50 則留言:

  1. 回覆
    1. 三年又三年, 唔好等啦 !!

      刪除
    2. 機票都買左囉, 唔去唔得啦!! >:)

      刪除
  2. 蜻蜓,在你的部落格看見很多"魔鬼"呢,
    嘻嘻!
    努力完成自己所想的。。。。之後,就要努力賺錢。

    回覆刪除
    回覆
    1. 啲人話"魔鬼藏在細節裏", 而呢度係"魔鬼藏在每一個角落裏", 無處不在!! >:)
      今年3次日遊, 真係無晒錢....

      刪除
  3. 其實點解唔係八月底交完 assignment,九月去咪得囉?

    回覆刪除
    回覆
    1. 我係交完assignment就即刻去, 但係無時間plan囉, 我呢啲膽小鬼要plan晒行程攞晒料先可以安心去玩架!! >:)

      刪除
  4. 回覆
    1. 有乜靚野即刻通知!

      刪除
    2. Me 2,最最重要係有草間婆婆嘅展品麻煩影齊佢!唔該哂

      刪除
    3. 原來咁吸引?早知我都買本guide book睇下先。:))

      刪除
    4. Nerissa, 咁你要成日check住whatsapp喎!! 不過唔知有無精品發售呢....
      和豚媽媽: 草間婆婆好似得上面個展品咋?! 仲要係常設展品, 幾時去都有得睇!! :b
      コーさん, 我應該過多幾日等你睇晒本書先嚟攞, 哈哈!! >:)

      刪除
    5. 其實諗諗吓4個full day都唔係睇到好多, 始終都係自駕遊方便!! 不過週末住宿好難搵, 惟有咁樣安慰自己啦!!

      刪除
    6. コーさん同你去既時間一樣, 你搵佢揸車咪得囉 >:) >:) >:)
      最緊要睇吓有冇白色狗仔 !

      刪除
    7. 我冇所謂呀!咁我份job要揾替工喎,大小姐叫令千金頂上?

      刪除
    8. Nerissa, コーさん嗰份唔係job, 係"大茶飯"至真, 我點可以阻住佢搵食呢!!! >:)
      不果如果你個女唔介意頂上, 又另當別論喇!!

      刪除
  5. 一年四次啫...我今年都將會係

    回覆刪除
    回覆
    1. "一年四次啫"通常係有錢人先咁講 >:)
      你其中一次仲要係歐遊!!!

      刪除
    2. 旅行嘅嘢豐儉由人,返大陸都係旅行,況且宜家D yen咁平,無所謂喇,最緊要有假有時間

      刪除
    3. 我銀行戶口數字直線下滑喇!!

      刪除
    4. 就當今年預支出年,出年減番一次囉...

      刪除
    5. 出年減番一次.... 到時會心痕手痕身痕架!! >:)

      刪除
  6. 既然咁陶醉, 一於豁出去. 唔好理咁多, 唔理錯或對.

    回覆刪除
    回覆
    1. 無話對與錯既, 玩完返嚟要努力搵錢囉!! >:)

      刪除
  7. 任性是需要勇氣的!恭喜你有這種勇氣!

    回覆刪除
    回覆
    1. 哈哈, 係啊, 呢份勇氣仲要包括埋預左俾老細話.... >:)

      刪除
  8. 我今次去旅行都係同自己講死就死啦,唔理佢。宜家工作上既難題真係死得

    回覆刪除
    回覆
    1. 加多一句,唔去旅行都唔見得難题可解决到,玩咗先算!

      刪除
    2. 哈哈, 咪就係因為呢句: "唔去旅行都唔見得難题可解决到,玩咗先算", 所以手指就扲左confirm囉!!

      刪除
  9. 想去就去,充電回來再工作,yeah ^_^

    回覆刪除
    回覆
    1. "yeah"完之後咪"唉"囉, 今年洗左太多錢..... >:)

      刪除
  10. 暫時離開係為咗走更遠嘅路,出咗飛就大條道理玩餐飽啦。

    搽多啲防曬呀!

    回覆刪除
    回覆
    1. 哈哈哈, "搽多啲防曬", 你都知我去親旅行咩天氣架啦, 個太陽肯出嚟"照住我"的話, 我又唔怕變舊碳返嚟喎!! >:)

      刪除
  11. 我都好想學你, 死就死啦, 做左先算哈哈~~
    人生短暫, 左度右度, 很多没來得及實現就~~~~
    到時後悔了~
    支持你~~呵呵 ~~

    回覆刪除
    回覆
    1. 千其唔好學我啊, 我呢啲好明顯係壞榜樣啦!! >:)
      及時行好囉, 今日唔知聽日事, 有時都要善待一下自己, 俾自己享受下既!!

      刪除
  12. 說得很對 , 想做就應該去做 , 我們實在顧慮太多, 錯過了很多人和事 !!

    回覆刪除
    回覆
    1. 剛在fb看到這個分享 "走不出去, 眼前就是你的世界, 走出去, 世界就在你眼前, 如果你不花時間去創造你想要的生活, 你將被迫花很多時間去應付你不想要的生活。" 有時基於經濟環境, 未必人人都可以經常出遊, 但偶爾都要對自己好啲, 俾自己任性一下, 放縱一下, 也不是壞事!! >:)

      刪除
  13. 手指不聽指揮的按下了確認鍵====>喱樣最危險XXXD
    等睇靚相^^

    回覆刪除
    回覆
    1. 或者啱啱手指抽筋, 哈哈!! >:)
      行程資料都未有時間plan, 唔知點算.......

      刪除
  14. 人間中也要找些方法來避世一下,想做就做,讚成啊!

    回覆刪除
    回覆
    1. 多謝啊!! ^^
      好想即刻飛添!! >:)

      刪除
  15. 及時行樂……應做的,便去做!
    這展覽很吸引!

    回覆刪除
    回覆
    1. 一直想去這個藝術祭, 不過都係得個講字, 今年終於坐言起行喇!! >:)

      刪除
  16. 回覆
    1. 6日, 不過第6日係半夜三更機返港!! >:)

      刪除
    2. 都正喎, 你以前去東京, 會住咩酒店呀??有無得介紹下呀??

      刪除
    3. 介紹就無喇, 我都係去樂天網搵最平嗰啲酒店, 對住無咩要求, 反正只係留幾個鐘。其實我好少玩東京, 多數路過, 有都係住過上野同淺草!!

      刪除