2015年5月20日 星期三

復出


(網上圖片)

不知是否年紀大了,近日總是感到生活乏力,迷失方向。公式的上班、下班、吃飯、睡覺,不禁問自己這究竟是為了甚麼。偶爾看著街上路人如行屍走肉,眼神空洞,其實自己也不過是當中一員。

張小嫻寫得好,「當別人說你看起來總是那麼平靜與淡然,只有你自己心裡知道,而今的平靜與淡然是用多少眼淚學回來的;此時此刻的波瀾不驚,又是曾被多少波瀾幾乎淹沒過。生命中所有的挫折與傷痛、所有的經歷,都是為了造就你和鍛鍊你。不要總說歲月殘忍,它其實溫柔了你。」

平靜與淡然,我還未夠功力走到這一地步,只能在無間斷的期望與失望中疲憊不堪。

生活中的調味不是沒有,只是彷彿失去了味覺,無法感受,無法細味。中日翻譯課程已接近尾聲,讀了這麼多年日語也只略懂皮毛,著實有點意興闌珊。而期待的紅葉之旅是半年後的事,又是一個很漫長的等待。至於攝影很講心情,在這厭煩的雨天,連碰一下相機也不想碰,實在佩服那些把雨景變成美景的攝影人。餘下就只有壁球,成了我的臨時救生圈

脫離聯賽原來已有六年多,執著勝負一直是我的致命傷,所以這些年也就再沒有踏足這個圈子。近日隊友又再游說復出,忽然想到或者是上天為我開啟的一扇窗,與其困坐愁城,不如欣然答應好了。雖然沒有自信如隊友所說「不要讓EQ戰勝你的技術」,但至少找到了支撐點,好讓自己不再沉下去。

這幾天,偶然間聽到電視劇集宣傳短片的說話:「太極,唔係要學習點樣贏,反而要學習點樣面對失敗」。一語中的,當頭棒喝!



62 則留言:

  1. 回覆
    1. 多謝啊!! 正面啲諗應該著眼喺從失敗汲取到的教訓或者學到的東西, 但係我份人諗野偏向負面, 所以成日唔開心囉!!

      刪除
    2. 我都係諗野係偏負面, 所以係成日搞到自己唔開心

      刪除
    3. 咁大家都要好好加油, 趕走負能量喇!!

      刪除
  2. 勝負重要,但有時在比賽過程中學到的東西更重要....
    enjoy your game^^

    回覆刪除
    回覆
    1. 謝謝啊!! 因為是隊制賽, 所以個人勝負會影響全隊的成績, 所以成日俾自己好大壓力囉!!
      離下一季聯賽仍有一段時間, 仲有時間可以再調整一下心情, 希望今次可以真正咁享受比賽!!

      刪除
  3. 回覆
    1. 多謝啊!! 明天會更好, 但願如此.....

      刪除
  4. 人之所以有挫敗感,是因為期待與真實結果不相符。不要以為付出了就一定有收穫....痛苦是因為想得太多,想得到太多!

    回覆刪除
    回覆
    1. 你所講既野中晒啦!! 希望愈大, 失望愈大, 想得太多, 所以成日唔開心!!

      刪除
    2. 蜻蜓,不要怪我說話太直接就好了!
      你如今的感受,我都曾經歷過,所以明白你之所以心灰意冷....但當你經歷再多些,明白世事豈能盡如人意,學懂如何放下,回頭再望今天,自有另一番領悟。

      刪除
    3. 作者已經移除這則留言。

      刪除
    4. 講野直接先好!!
      近排就好似燃起左一團火, 但係好快就俾人冚熄左, 一點起又俾人冚熄, 重覆又重覆, 真係好鬼攰啊!!

      刪除
    5. 呢個就係你人生嘅經歷,今日或者會覺得作繭自困,當破繭而出之時,便已經脫變了.....

      刪除
    6. 作者已經移除這則留言。

      刪除
    7. Google 又傻咗,點解每次留言都會重覆出現~~

      刪除
    8. Google 又傻咗,點解每次留言都會重覆出現~~

      刪除
    9. 我都試過出重覆留言啊,不過過一排又正常返!
      破繭而出,應該有排...

      刪除
    10. 不要想得太灰,運動會產生多巴胺,會令人開心啲,你打番波,只要不再睇重輸贏,享受過程,一定會發現新樂趣!加油!

      刪除
    11. 作者已經移除這則留言。

      刪除
    12. 我只係覺得, 所有經歷與挫折, 都只係消磨你既意志, 直至你對任何事情不再抱有任何期望, 這就是所謂的看淡一切了?!!

      刪除
  5. 作者已經移除這則留言。

    回覆刪除
  6. 哈哈, 冇味覺等我帶你食好野, 包有番晒 !
    從來生活就是公式, 偶然在生活當中有些漣漪便會更加珍惜.

    回覆刪除
    回覆
    1. 啲咳仲未清, 點算呢? 又唔想睇醫生喎.... 真係食乜都無味!!
      真係想跟埋你去日本, 不過無錢.... >:)

      刪除
    2. GoGoGo,係就快啲出機票,有你帶路我就即刻唔度火車班次唔度逗留時間等你喇 >:)
      錢既問題多有多駛少有少駛,再唔係好似廣告話齋搵財仔傾o下,我做埋大耳窿又點話吖 >:)

      刪除
    3. 你做大耳窿我都無咁多日大假啦!!! >:)

      刪除
    4. 你唔知有樣野叫 "no pay leave" >:)

      刪除
    5. 仲攞no pay leave, 我個魔鬼上司殺左我都有份!! >:)

      刪除
  7. 我都好似你宜家咁嘅狀態,所以開始打返羽毛球!大家加油啦

    回覆刪除
    回覆
    1. 我仲諗住和豚媽媽你好積極樂觀添!! 打波的確可以盡情咁發洩負面既情緒, 不過次次打完都成身散晒, 唔認老都唔得喇!!
      大家一齊加油啦!!

      刪除
  8. 加油~~ 其實可以好公式咁生活都係一種幸福呀!

    回覆刪除
    回覆
    1. 好啊, 多謝晒!!
      都係既, 好多人連想平平淡淡咁生活都唔得!!
      只係覺得漫無目的咁生活, 有時都幾辛苦吓!!

      刪除
  9. 說得一點沒錯 , 蜻蜓還好可以執筆寫出心底話 , 我連寫blog的動力都彷佛沒有了, 迷失得像行屍走肉 , 找不到生活的目標.....!!

    回覆刪除
    回覆
    1. 點都要搵啲野發洩吓既, 如果唔係好容易谷爆架!!

      刪除
  10. 支持復出,未出發旅行時,當做搵o的寄托都是好的,人沒有目標,生活就會像作業流水、行屍走肉的了

    回覆刪除
    回覆
    1. 哈哈, 復出要好大代價, 真係有得又有失!! 但都係時候改變一下, 如果唔係會鬱死....

      刪除
  11. 加油~ Fight~
    我覺得能夠做到自己喜歡做的事,
    已經是上天的祝福,
    所以別想太多,放手去做,
    就算結局不似預期,
    途中看到的風景,也是不錯的收獲~

    回覆刪除
    回覆
    1. 好啊多謝!! 我以前好鍾意打壁球, 不過打左聯賽後俾自己太大壓力, 最後厭倦離場, 復出過1次, 都係同一個原因收山, 估唔到6年後又再復出, 唔知今次會點呢.....
      正如你所講, 唔好諗咁多, 放手去做, 希望好好享受啦!!

      刪除
  12. 做人開心又要過,唔開心又要過,所以要儘量令自己開心地過
    凡事唔好俾太大壓力自己,就當打波係一種運動,可以強身健體

    回覆刪除
    回覆
    1. 都係既, 希望今次可以好好享受比賽啦!!

      刪除
  13. 既然得到啟發, 就不妨下雨天也影影相, 旅行時不是常有的嗎, 你大把機會喎, 好好的發揮, 不用羨慕別人, 不讓人家專美.

    回覆刪除
    回覆
    1. 唔...... 旅行既心情始終唔同, 即使落雨都要週圍行下影下。平時見到落雨就真係連街都唔想行, 何況影相呢!! 或者要等有日心血來潮, 先會攞部機出去影下雨景!

      刪除
  14. 得失原是空幻,比賽樂趣是過程,蜻蜓能悟了這點,已通了 !

    回覆刪除
    回覆
    1. 得失是空幻, 虛榮都變晒爛銅爛鐵了!! 希望快啲調校好近日既低落情緒, 好好享受比賽啦!!

      刪除
  15. 蜻蜓,上次不是說幸福不是必然嗎?你忘記了,我們有五官和四肢齊全,智商正常,有父母,工作,還有精力去我們想去的地方,不是已經比很多人幸福嗎?還有可以在這裡長嗟短嘆!
    我們要努力學會如何好好生活。

    回覆刪除
    回覆
    1. 係啊, 行得走得不是必然!! 不過近日確實走入情緒低谷, 好迷失, 需要啲時間先可以走返出嚟...
      如何好好活著, 真的不容易!!

      刪除
  16. 溫馨提示:11月21-23日係日本嘅3連休,加上紅葉期,嗰幾日京都啲房爆到九彩,提早book房有着數呀!

    回覆刪除
    回覆
    1. 你book左未啊?有無好介紹,我搵親嗰啲一係full左,一係3個月前先book得啊!

      刪除
    2. 啱啱搞掂哂!破記錄幾乎全部東橫inn,預早半年book,一開賣五分鐘內爆滿,搶到算奇蹟!你可以試吓booking.com,有啲民宿同youth hostel已經有得book ...

      刪除
    3. 我都有睇東橫inn, 不過成日唔記得, 第二朝先睇已經full晒喇!! booking.com間間都九百幾同過千.....

      刪除
  17. 加油丫,好好享受一下球場上既樂趣啦 :D

    回覆刪除
    回覆
    1. 多謝啊!! 首先要練番啲體能先, 之前實在太懶了!!

      刪除
  18. um,小小意見,我會這樣認為,重拾昔日興趣,打壁球是一個生活調劑,可為生活加點動力,但生活已有點迷失的感覺,或許可試試想想有什麼自己做了會快樂的人生目標(例如想讓身邊人、朋友快樂已可以是一個目標)喔。因為,打壁球本身不像是一個「目標」嘛,似「行為」多些。^_^

    回覆刪除
    回覆
    1. 謝謝你的意見!! ^^
      我是一點動力都沒有呢, 壁球也可以是一動目標啊, 投入及打好每一場比賽是第一目標, 可以的話, 當然是奪聯賽冠軍啦!! :b
      至於讓週圍的人快樂, 我都會盡力的!! 謝謝呢!!

      刪除
    2. 我看你這篇時有野miss 左...參加聯賽式的打壁球,你說得對,那的確是存在目標喔。俾心機,向目標進發。

      刪除
    3. 謝謝!! ^^
      離聯賽還有一段日子, 現在要操fit自己先喇!!

      刪除
  19. 公式的上班、下班、吃飯、睡覺..... 仲有成日去旅行呀! 失敗咪當個經驗lol. 影相都要有 mood 架. 無咪揾下其他節目, 可能有新目標呢~

    回覆刪除
    回覆
    1. 我都唔算"成日"去旅行, "有啲人"個個月去啦!!
      呢幾個星期日日落雨, 做咩都無mood啊!!

      刪除
  20. 「不要總說歲月殘忍,它其實溫柔了你。」這一句很精采!
    我曾在沙灘上撿到, 片玻璃瓶碎片, 被海水細沙磨得圓滑, 已沒有鋒利的邊緣. 歲月何嘗不是磨盡多少生命的菱角!

    回覆刪除
    回覆
    1. "歲月何嘗不是磨盡多少生命的菱角"...為甚麼我看著, 還是感到有點傷感呢!!

      刪除
  21. 始終有個底子係到,相信唔差得去邊!~努力.

    回覆刪除
    回覆
    1. 多謝啊!!
      底子是有的, 之前都keep住每星期打1日, 不過體能差左好多, 所以要加多1日"特訓"喇!! >:)

      刪除