2015年2月4日 星期三

2014年10月 這年東北“楓”在吹 ~ 第五天:奧入瀨溪流(下)




第五天 燒山>奧入瀨溪流健行>子ノ口(巴士)>燒山(住宿:民宿桂月

零碎秋意在藍天下,依然耀目。石ケ戶至桃子大滝一段,美景目不暇給,阿修羅の流れ、雲井の滝與銚子大滝人氣旺盛,但我更愛走進那些不知名的,或是名氣稍遜的亂石溪流,尋找一刻恬靜。在如夢似幻的光影下,跟身邊的一草一木一同呼吸,疲累與酸痛,一下子就忘掉了。都市給我的壓迫與枷鎖,在這大自然中,全得以釋放。




雲井の滝
































白糸の滝








彷如仙境





九段の滝


銚子大滝















子ノ口到著








子ノ口乘巴士回燒山民宿,又是一頓豐富的晚餐(對這裏的山菜拉麵還是念念不忘)。




這夜,突發事件接二連三,用膳後返回房間,友人即推開窗戶,因用力過猛,防蚊網就跌到樓下地面了。門外的小狗見狀不停狂吠,我也就急忙走到樓下跟老闆say sorry。然後,就是跟臭虫大作戰!友人到公共浴室洗澡時,驚見更衣房間滿佈臭虫,她只好膽顫心驚的走入浴室極速沖洗,頭也沒洗便跑回房間。

是夜又不知捉了多少隻,然後任由牠們蹦蹦跳跳。睡覺時,萬籟俱寂,不時聽到臭虫從牆身跳到榻榻米「噠噠噠噠」的聲響,跟本無法入睡。張開眼睛,就看到一兩隻身影爬到被鋪上,甚至有的爬到友人的額頭,忽然感到頸側痕痕癢癢的,用手一抓就嗅到牠發出的陣陣“香氣”!也不知是牠的分泌還是被牠咬了一口,頸側有點灼熱,只好用手不停捽按,手臂竟也麻痺起來,以為這就“毒發攻心”了(回想起來就想哈哈大笑)!麻痺感一會便消散,但卻徹夜無眠。

カメムシ (網上圖片)





看著窗外漆黑一片的山林,沒有城市的五光十色,熣燦燈火,沒有紫醉金迷的不夜天,但在這裏,嗅到的不是口袋裏的銅臭,也不是汽車噴出的廢氣,而是純淨無雜質的清新氣息,當然,還有一絲臭虫遺下的氣味


53 則留言:

  1. 點解2部相機的相片縮至同一尺寸後, post出來還是不同size??

    回覆刪除
    回覆
    1. 呢家野要問コーさん咯。

      刪除
    2. 佢咁忙, 可能又飛左, 哈哈 >:)

      刪除
    3. 咩事?你兩部相機aspect ratio唔同的話,size就唔同。

      我見上邊有啲係640x480,有啲640x426。

      正如我iphone相800x600,canon相800x533。

      刪除
    4. 但係我已經將啲相全部改晒做900x675先upload架喎....

      刪除
    5. 我諗你resize成900,部份相係900x675,部份(e.g第一張)aspect ratio唔同,見到係900x600。

      刪除
  2. 夕陽下金光閃閃格外美
    咁有冇咬到成身一撻達?好恐怖喎><搽大量蚊怕水有冇用?

    回覆刪除
    回覆
    1. 夕陽下的光線好柔和好靚, 不過太短暫呢!!
      成身一撻撻就無, 不過第二朝見到頸側多左條手指咁長既紅印囉, 換著係塊面, 我就唔駛見人囉!! >:)
      蚊怕水....我諗無用啩!! 我諗下次去應該要住嗰間高級酒店, 防虫設施應該好好多, 不過當然貴好幾倍啦!!

      刪除
  3. 溪流好似棉花糖,瀑布就好似頭紗 :D

    回覆刪除
    回覆
    1. 下次帶張蚊帳去包住自己黎瞓嘛 :))

      刪除
    2. 哈哈, 用棉花糖同頭紗形容, 你真係好想像力!! 帶蚊帳都無用啦, 剩係半夜聽住啲噠噠聲都瞓唔到!!

      刪除
  4. 水水水,冲茶正.
    近来google神神地,我自己blog都不能留言'要轉瀏覽器才可以,還要安裝app cut飛来廣告.

    回覆刪除
    回覆
    1. 我有時手機同電腦都留唔到言, 唔知係咩問題, 我入去samshum個blog都彈廣告出嚟啊, 好似到而家都仲未解決到呢!!

      刪除
    2. 個blog都彈廣告出嚟,可以裝個叫 adblock免費软件chrome.google.com/webstore/detail/adblock/...

      刪除
    3. 如果samshum blog,好大機會係個free blog counter出廣告,建議取消。

      刪除
    4. 我之前有同佢講過佢個blog彈出廣告既問題, 佢話已經通知左google但係一直無回覆, 所以解決唔到好煩囉...free blog counter點取消??

      刪除
    5. 咁唔關google事。。。

      如果取消,去"版面配置"delete左個blog counter試下。

      刪除
  5. 風景美麗,
    拍攝技術高超,
    目不暇給,
    好像帶我同遊!

    回覆刪除
    回覆
    1. 奧入瀨溪流真係好靚, 影相影到你手軟, 一日都唔夠呢!! 技術唔高超喇, 多得朋友部機偶爾幫助一下!! >:)

      刪除
  6. 啲相真係大師級作品,流水影得好靚,金黃色樹林又係咁靚~
    不過臨尾比臭蟲嚇一嚇,好怕呢啲@@你地真係好厲害咁都唔怕##

    回覆刪除
    回覆
    1. 而家仲係停留喺低B班, 同大師級差好好好好遠呢!!
      哈哈, 臨尾嚇你一跳唔好意思呢, 我同佢地"相處"左3日2夜, 由驚變成習慣, 夜晚瞓覺聽到聲都驚架, 又驚佢地爬上嚟, 成晚無瞓.......

      刪除
  7. 蜻蜓影的溪流/瀑布好有氣勢 , 靚....10個Like !!

    回覆刪除
    回覆
    1. 多謝啊!! 應該多謝人地部機先啱, 哈哈!! >:)

      刪除
  8. "...飛流直下三千尺,疑是銀河落九天。" 太白見此而吟乎 !
    還有 " Bridge over trouble water " 亦未足形如絲如畫美景。

    回覆刪除
    回覆
    1. 你有機會不如親身去感受一下, 包你七步成詩, 行完成條溪流, 就可以出現代詩三百首喇!! >:)

      刪除
  9. 太靚嘞....俾我會揾個靚位坐低聽歌兼野餐。

    但咁多蟲真係誇張咗? 佢點飛法咗㗎? 我好怕啲無定向飛嘅昆蟲,飛蛾之類。

    回覆刪除
    回覆
    1. 你幾時先排到東北啊, 到時記得帶定格仔枱布野餐啊!! >:)
      每晚捉十幾廿隻, 仲要捉極都仲有, 未包括走廊牆身嗰啲, 我當時又唔記得左影相, 等你地可以睇下個"盛況"嘛!! >:)
      佢地有2款, 飛就唔識飛(啩), 不過一款識跳, 捉都捉唔住!! 佢地個樣唔算好核突, 所以我都可以視而不見, 如果係曱甴的話, 肯定尖叫加即走換旅館啊!!

      刪除
  10. 係因為個防蚊網跌咗先有臭蟲飛入嚟? 關窗唔得? 不過連公共浴室同走廊牆身都有嘅話,依間民宿都幾恐怖
    我有年夏天去北海道,响美瑛間民宿夜晚見到成個窗出面都伏滿哂好多細細隻嘅飛蟲,都好驚,好彩屋內有冷氣唔駛開窗咋...

    回覆刪除
    回覆
    1. 唔係, 防蚊網未跌嗰陣已經有, 我上次10月中住係無大問題的, 今次10月底就出事喇!!

      刪除
    2. 浴室有,可能上手開左窗又無關蚊網。

      住郊外民宿無aircon無蚊網都幾煩,唯有早啲熄哂燈。

      刪除
    3. 奇就奇在浴室無, 係浴室外個更衣房有....我諗唔會有人換完衫唔關門啩...
      講漏左單野, 我係浴室沖沖下涼, 浴室度門突然自動彈開左, 燈光閃左一閃, 唯有同自己講係氣流啫, 如果啲燈唔著返黑晒的話, 實嚇死.... >:)

      刪除
    4. 越講越靈異,啲蟲仔究竟係邊個呢?>:)

      刪除
    5. 度門自動彈開咗,跟住你講漏咗係"閃光"燈閃咗一閃!你俾人影咗相嘞 >:)

      刪除
    6. 哈,俾人定係... 嘩,愈講愈恐怖! 但係係咪真係氣流呢??

      刪除
    7. 唔係氣流, 係有人專登伏你架, 遲啲有人叫你買番啲相, 哈哈, 哈哈, >:)

      刪除
  11. 瀑布+溪澗,真的很美!
    如果落水浸一浸更加爽呀!

    回覆刪除
    回覆
    1. 所以去左2次都仲想去第3次, 哈哈 >:)
      冬泳?? 凍死都似.....

      刪除
  12. 估唔到條河咁細﹐水流好急
    春夏天唔敢住民宿﹐一定好蟲飛來飛去

    回覆刪除
    回覆
    1. 貪民宿平, 而且位置好, 另一間酒店貴幾倍, 唔捨得....

      刪除
  13. 蜻蜓,好彩不是蟑螂,否則,我的尖叫聲一定嚇死屋主,
    佢地會以為發生命案,酒店錢有時真的不能節省。
    你的朋友有沒有怨你帶她住這間民宿?
    楓風

    回覆刪除
    回覆
    1. 如果係蟑螂的話, 咁就唔係尖叫, 係慘叫喇, 哈哈!! >:)
      朋友把口無埋怨, 個心就....唔知喇, 哈!!

      刪除
  14. 溪水凍唔凍呀?你帶備腳架影溪流?臭虫周圍爬好驚呀!

    回覆刪除
    回覆
    1. 無浸過落水唔知凍唔凍喎!! 無帶腳架, 全部手持拍照, 所以好多都矇左, 閉氣閉到差啲斷氣, 哈哈!! >:)
      臭虫個樣無曱甴咁恐怖, 所以都唔算好驚!!

      刪除
  15. 呢o的臭蟲我o係宇奈月溫泉的一條冇咩人行的小徑見到超多呀 ! 仲滿地踏扁了的屍骸呢 ! >w<
    我見人地秋天住乳頭溫泉又係勁多,所以當日 book 唔到乳頭溫泉住宿都唔知係好事定壞事

    回覆刪除
    回覆
    1. book到咪當練大啲個膽囉!! >:)
      我之前住啲山區旅館都見過, 但係咁多就真係嚇一跳!!

      刪除
  16. 又見到仙鏡瀑布啦!我對昆蟲特別敏感,肯定變豬頭!

    回覆刪除
  17. 路過蜻蜓,日本大自然風景令人神往.

    回覆刪除