2014年11月20日 星期四

2014年10月 這年東北“楓”在吹 ~ 第一天:東京




第一天:香港>東京(新幹線)>輕井澤(宿:輕井澤莊

這趟旅程,心情有點不一樣,沒有期待,也沒有興奮,計劃行程都是匆匆忙忙的。今年友人同行,迫不得已加入了少量購物時間(真的只有少量,哈哈)。

喜歡坐窗口位,看著建築物由大變小,然後變成微塵,人其實也不外如是,不要把自己放得太大。忽然就想起689這個數字,在700之內自然是大數目,在1200之內只不過是僅僅合格,而在7百萬之內呢?真的是連微塵都不如。但有些人就是自大得自以為高高在上,所有人都要聽命於他,實在很可笑!不過亦要多得這類人,才會令我連旅遊都想起了政治。

習慣了安逸舒適生活的我們,喜歡看浮雲瞬間變幻,卻無法接受生活中的微細變化與衝擊(所指的當然不是指日前立法會的暴力衝擊),寧要利益不要自由。這一刻,我能自由地在航班上看著浮雲在變,有些人卻連出境的自由都被限制。忽然覺得,可以自由地呼吸都變得彌足珍貴。















飛抵成田機場,買了JR EAST PASS及預訂未來數天的火車指定席(翌日晚上由輕井澤至大宮的指定席竟然全滿),隨即乘N’EX到東京駅。遊日多次,遊覽東京駅還是首次。對我來說,它一直只是個中轉站,卻原來是個別具懷舊復古美態的建築物。時間不多,只能匆匆快拍,便走到一番街逛Snoopy、鬆弛熊、龍貓等精品店。

旅程,就從購物大出血開始

東京駅













駅內晚餐 ~ 很有嚼頭的烏冬


烏冬配魚生飯,滿足的一餐!



交通


使用JR東日本通票5 JR東日本通票可於14天內任選5天使用,價格為22,000円。)

1. 成田機場>東京(N’EX 1小時)
2. 東京>輕井澤(新幹線,1小時)



56 則留言:

  1. 嘻嘻! 終於喺你度見到行街街 ;))

    回覆刪除
    回覆
    1. 你影既東京站同我第一次影既時間差不多, 都係剛剛開燈.

      刪除
    2. 你睇唔到我寫 "逼不得已"咩, 哈哈!! 不過時間唔多, 所以只喺外圍及內部影左幾張, 下次會安排多啲時間, 過對面影全景!!

      刪除
  2. 回覆
    1. 最衰隻窗有啲污糟濛濛地, 如果唔係會更sharp!!

      刪除
  3. 上次旅行我心情都係一樣,冇幾多興奮,成日都覺得呢段時間唔應該離開香港...去到日本一有時間,一上火車就即時睇香港新聞,睇下香港發生咩事,成個旅程就係咁過...
    ps.有張上網卡真係好方便@@

    回覆刪除
    回覆
    1. 我都差唔多啦!! 上網卡的確方便, 今次改左啲行程都係靠沿途上網搵資料同時間表, 不過今次上網好差, 唔知係張咭定係咩野問題。

      刪除
  4. 連旅遊都想起了政治,死靚妹!下一篇唔好呀!搞到成个人 "怒"氣横抽咁!
    暫時被番熊貓皮啦!厲鬼笑!

    回覆刪除
    回覆
    1. 哈哈, 我都想仲係"靚妹"!! >:) 咁下一篇係"楓"風橫抽囉!!
      日日唔夠瞓, 唔駛披熊貓皮都係熊貓啦!! >:)

      刪除
    2. 人地魔鬼笑你厲鬼笑, 嚇死人咩! >:)

      刪除
    3. 為何用了我的名"楓風"橫抽?
      收你版權費(笑)

      刪除
    4. 一碰到你都好難正經,瘋瘋 ..... 哈哈!
      你講微塵,你又想做只微了,佢又要收你版權費了,今年你流年不利,處處被俾人追数 .... 冤鬼笑!

      刪除
    5. 哈哈, 我其實係打錯字, 我想打"楓"氣橫抽啊, 可能真係太掛住"楓風"....既四國之旅遊記, 哈哈!! >:)
      我無時無刻都好正經架!! >:)

      刪除
  5. 回覆
    1. 嗰日天氣好好, 不過去到東京上空就好多雲喇!!

      刪除
  6. 蜻蜓回歸正統,正式報道旅遊實況,首篇熊仔篇。

    回覆刪除
  7. 點解唔過去對面KITTE商場,6F有個屋上庭園望落去都好靚架...

    早車去輕井沢晚車返東京指定席都好full架,除非係book幾日後,N年前試過一次去到東京第二日想早車去輕井沢,點知成個早上嘅指定席都full,要等下午先有,後來唯有去坐自由席,可惜我哋係响上野上車,嚟到上野自由席都無位,終於企咗兩粒鐘去到輕井沢,自此之後,無指定席一定要响東京上,情願早D去排自由席

    回覆刪除
    回覆
    1. 無時間喇, 朋友話要shopping, 下次我自己去先慢慢影啦!! Kitty 商場6/F, 記得佢先, 希望下年4月啦!! >:)
      我係輕井澤經大宮去秋田喎, 無諗過咁多人囉!!

      刪除
  8. 魚生飯,我鍾意食呀!
    你影相好靚呀!影食物更吸引!

    回覆刪除
    回覆
    1. 魚生飯OK, 個烏冬先正, 超好味!!
      風景靚, 唔關我事架!!

      刪除
  9. 烏冬魚生飯好吸引! 我年底既四國之旅都係等食 :)

    回覆刪除
    回覆
    1. 烏冬超好味!! 年底四國會唔會有雪呢? 雪景正喎!!

      刪除
    2. 就係咁先驚, 都唔知要唔要租雪軑, 或被困山區 :(

      刪除
    3. 借問聲四國年尾有無邊度必去呢? 我都期待中。

      刪除
    4. 2010年尾原本去四國既松山,已經喺高松住咗一晚預算翌日揸車去,不過那晚知道松山落雪,架車又冇雪呔,所以放棄唔去返本州。

      刪除
    5. 酒店都訂好了. 聽天由命~

      刪除
    6. Fai&The City 你又去? 個個月都去旅行,唔通你係旅遊攝記?再唔係就係富二代喇,哈哈!
      小月,租雪呔穩陣啲喎,唔怕一萬,至怕萬一。

      刪除
    7. 褲穿窿就有我份╮(╯_╰)╭

      係呀,年度跨年旅行,好期待。

      刪除
    8. 雪呔唔好開, 塞車仲敝, 寧願改行程, 留係酒店附近慢慢hea.

      刪除
    9. 咁不如唔好自駕, 搭車玩啦!! >:)

      刪除
    10. 肩頸痛,無精力令住行李4圍走,出發前再看天氣決定

      刪除
    11. 我係肩頸背腰痛, 哈哈!!

      刪除
    12. 你係鐵人呀, 同我點同呢 ^^

      刪除
    13. 鐵人都會有生銹既一日......

      刪除
  10. 估唔到你都有shopping時間!

    回覆刪除
    回覆
    1. 朋友強烈要求, 無辦法, 惟有俾少少佢囉, 哈哈!! >:)

      刪除
  11. 有些事情當發了的影響,未必如你想像的那般。敵對是因為彼此不了解....

    回覆刪除
    回覆
    1. 的確係彼此不了解, 呢個政府一早關上大門, 點了解? 要了解人民, 就要走入人群, 將自己擺得高高在上, 而唔係平等相待, 點了解呢? 點解學生群眾要犯險上街? 因為靜坐, 遊行等等政府從來都唔聽你講, 只好用佔領街道 (暴力衝擊我當然唔認同) 去令政府聽到你既聲音, 係咪覺得好可悲呢? 政府應該係代表人民, 佢唔肯聽你既聲音, 唔去了解你既想法, 點代表? 佢了解既只係阿爺既聲音, 唔係我地!! 以上純粹個人心聲!!

      刪除
  12. 嘩, 第一天就濕平大出血 , 咪有排拎....!!

    回覆刪除
  13. 辛苦晒!迫住行街,東京車站係好古典好靚,但很多時都只是掛住趕車。

    回覆刪除
    回覆
    1. 哈哈,都真係幾辛苦架!所以一人遊都有佢嘅好處!

      刪除
  14. 咁快血拼,咁啲戰利品咪要拎足全程?^^

    回覆刪除
    回覆
    1. 朋友推喼,放晒喺佢個喼度先囉!

      刪除
  15. 裝修完都未去過。仲有無拉麵街㗎? 以前好似响鬆弛熊附近

    回覆刪除
    回覆
    1. http://www.tokyoeki-1bangai.co.jp/street/ramen
      有啊!不過我無去度,無時間搵啊,是但搵間食,都好好味!

      刪除
  16. 從高空望向地面,所有野都有唔同感覺/感覺好新奇!

    回覆刪除
    回覆
    1. 係啊, 所以好鍾意坐窗口位睇雲, 百看不厭架!!

      刪除
  17. 蜻蜓,現在開始寫遊記中,遲些邀請你到訪。文筆不好和資料未必有你那麼詳細,勿見笑。
    只是寫下所見所聞而已。
    楓週

    回覆刪除
    回覆
    1. 期待啊!我啲資料都係網上搵,今次遊記我唔會好詳盡喇,心情被影響無心機寫啊!

      刪除
  18. 往遊去玩几開心的^^但就無謂去些高危地方過馬路 ! 在街上看电視或犯法集會吧 ~
    Anyway take care !!

    回覆刪除
    回覆
    1. 玩完返嚟喇!! 高危地方? 唔...咁多黑警, 真係幾高危吓!! >:)

      刪除