2014年2月21日 星期五

2013年10月 日本東北楓的季節 ~ 第六日(下):青森縣立美術館 + 三內丸山遺跡




乘巴士返回青森駅,再次到巴士售票處查詢失物,終取回了失散一天的雨傘,失而復得的感覺令人更懂得珍惜。一連數天下雨,偏偏在雨停之時遺失雨傘,拿回雨傘後,陽光與藍天又再與我擦肩而過,不禁想到,沒有領回雨傘的話,上天是否就會繼續天公造美?

走到駅旁的ねぶたの家,紅色外牆在陽光底下份外耀眼。大堂及2/F擺放了小型的山車,因上午在ねぶたの里已觀賞過山車作品,也就沒再付費入場。


青森橋


ねぶたの家




續乘巴士到青森縣立美術館,只為了一睹奈良美智的青森犬(另一隻位於弘前)。於美術館前下車後,因要走一段路才能過馬路查看回程的巴士時間,想到既然已打印了巴士時間資料,也就作罷,結果……

美術館位於遼闊的公園上,寒風更凜冽。付過200円常設館的入場費(官網是500円的,是當時展品不多,所以只收取了200円?)。展館入口一進眼簾就是三幅巨型作品,星空與大自然的奇妙景緻展現眼前,引發了無限想像!

奈良美智的展區不算大,從玻璃幕牆可以看到室外的青森犬,向職員查詢後,表示不能走出室外近距離接觸青森犬(聽不懂是甚麼原因)。看到青森犬垂頭喪氣的樣子,既可憐又可愛!




室外還有奈良美智設計的六角堂,牆身放置了他的一小部份作品。另外特展館正舉行歷史主題的展覽(需另外收取入場費),因興趣不大,也就沒浪費彈藥了。


六角堂




走出館外,即看到對面巴士站剛有巴士停靠,突然生起不祥之兆。但根據手上資料,距離下一班次仍有十多廿分鐘,也就在草地上吹吹風,拍拍紅葉。慢步到巴士站,看看站牌時間表……噢!時間表修改了!剛走的那一班車是我要乘的班次呢!!下一班個多小時後了!

環顧四週,只有大片草地及美術館,寒氣迫人,不斷怪責自己來時沒確認回程時間。折返公園,由吹吹風變狂食風,突然看到三內丸山遺址的指示牌,對這彷彿是從天而降的景點雖沒任何印象,但與其無聊等待,不如走走看看。

穿過美術館旁的行人隧道,又是一片荒蕪的空地,偶爾遇到一、兩人在跑步,走了十多分鐘,才看到遠處的建築物。之前到訪過九州的吉野ヶ里歷史公園,那裏展示的是彌生時代(西元前5世紀中到西元3世紀中頃)的建築,而這裏則是繩文時代(公元前14500年到公元前300年前後的時期)的建築。相比吉野ヶ里的完善設施,這裏就像剛出土一樣,更貼更原始風貌。夕陽緩緩西下,在浮雲及天色不斷變幻下,我也彷彿穿越了時空,回到遠古的石器時代,沒有鋼筋森林,沒有喧鬧人聲,沒有車水馬龍。科技發達,生活的確豐足了,代價是人的心靈,同時被污染了



美術館旁的隧道





三內丸山遺址























錯過了班次,卻因禍得福,看到了不一樣的風景,感受到千萬年前的氣息,那早已被人類遺忘了純樸氣息

青森橋夜色







景點介紹
(網上資料)

青森縣立美術館

2006713開館,為了介紹青森縣青森市的鄉土文化而成立的設施。位青森縣青森市大字安田字近野地內,三內丸山遺跡的隔壁。

最吸引人之處在於其純白外牆,由著名建築師青木淳擔任設計的美術館整體形態,其設計理念源自於「三內丸山繩文遺跡」發掘現場的壕溝,因而在地面設下多個凹凸幾何空間。不單外牆,就連美術館內部整體都是以雪白色為主。而館內的常設展覽有奈良美智展廳以及戶外的青森犬像等,都是一定要參觀的重要設施,但其他不定期的台灣藝術展覽也不容錯過,例如動畫大師宮崎峻的原畫展也曾設於此。

三內丸山遺跡

是日本最大而且保全得最好的繩文時代(13000-300 BC)村莊,印證了五千年前在日本繩文時代的生活模式。這遺跡是當測量地段準備興建棒球場時被發現的。前三內丸山村有超過700件建築及住宅,當中包括長屋,倉庫,道路及墓葬。經過一輪挖掘及研究後重新整理並重現了幾座建築。遊客可以進入部份的建築物參觀,也可以到挖掘遺址視察。

鄰接古蹟是"繩文時遊館",裡面展示了繩文時代村民的生活情況。大部份的展示是互動的,您還可以嘗試穿上繩文服裝及利用當時的道具來製作小玩具及手工藝品。該處還有一間餐廳提供三內丸山地道小菜。三內丸山考古遺址與北海道及北東北的縄文遺跡群現在列於世界遺産暫定的一覧表中,相信在不久將來會正式被登錄。


入場費

青森ねぶたの里 560
青森縣立美術館 200 (常設展網上資料為500円,特設展館另收入場費)
美術館locker 200


交通


青森> 青森ねぶたの里
巴士 (30min)450
青森ねぶたの里 青森
巴士 (30min)450
青森 青森縣立美術館
巴士 (20min)270
青森縣立美術館 青森
巴士 (20min)270





好歌+好MV推介!!!!

53 則留言:

  1. 哈哈,三內丸山就係想你去睇一睇佢, 哈哈!!!!

    回覆刪除
    回覆
    1. 或者係啦, 之前睇資料好似同吉野ヶ里咁上下, 所以都無諗過去, 原來就係美術館附近, 天意喇!! >:)

      刪除
    2. 上篇見你話去睇青森犬, 真係以為係真狗, 秋田犬就聽得多, 以為可以見吓另一種, 不過佢都好得意, 好似ChaCha咁望住d 糧誓願.

      刪除
    3. 哈, ChaCha有野食都誓願? 唔係啩!! 另一隻係弘前, 都好cute架 >> http://travel.tw.msn.com/Selection/Column/Place/article.aspx?cp-documentid=4481680

      刪除
    4. 我諗下次去日本都係去你去過既地方, 咁就會睇多好多野, 因為我好少搵雕塑睇, 但係見你地去完返黎影到嗰啲就鬼咁鐘意.

      刪除
    5. 我都唔知點解我隻狗唔鐘意食糧, 晚晚都用盡方法叫佢食多哟.

      刪除
    6. 係呀,跟著蜻蜓遊日,就有靚景睇。

      刪除
    7. 你唔好俾咁多零食佢。再唔係,限時食飯,15分鐘唔食就收起。

      刪除
    8. 哈哈, 跟我就死得囉!! 行路多過搭車喎!! >:)
      Cha cha有野都唔食?? 咁佢食咩, 總會肚餓啩.............

      刪除
    9. 我地都唔係俾好多零食, 對佢咩都試過,收起d 糧佢都懶理, 氹又唔得, 而家唯有每次食完一袋就換一隻味道, 叫做肯食吓.

      刪除
    10. 我隻哥基最近都係,不過佢九歳高齡,之前八年都係食到餓狗搶X咁。呢排食得超慢,一係牙痛,一係食到悶。佢唔食哂,下餐就唔俾,最後都要死死氣食埋佢。

      你有時間咪整D佢鍾意食嘅,放在飯面一齊食。我就有時放舊雞肉比佢餸飯。

      刪除
    11. 俾開一次佢鍾意食既一齊餵,下次冇佢就係唔肯食,總之而家我就淨係俾糧,佢一停就將早餐食嗰啲饅頭仔整碎撈落去佢又食多少少,要一粒一粒咁鍊直至佢食哂兜糧為止,所以每次都好似餵細路仔食飯咁。
      仲有我好多朋友隻狗如果到咁上o下年紀都會俾人食嗰啲野狗食話俾佢地試比o下人間美食喎。

      刪除
    12. 睇嚟做寵物幸福過做人喎!!! >:)

      刪除
  2. 在計劃之外的遇見 , 可能令人更加難忘 ...
    ねぶたの家外型很特別啊 , 那青森犬垂頭喪氣的樣子,蠻可憐的 !!

    回覆刪除
    回覆
    1. 我幾驚要企喺巴士站食風食個幾鐘啊, 哈哈 >:)
      青森犬真係好可愛, 下次探埋另外嗰隻!! ^^

      刪除
  3. 展品不多就收平啲入場費又幾老實喎

    回覆刪除
    回覆
    1. 我都唔知點解, 官網明明話要500円, 仲有個可能性係佢當我"小童", 所以半價, 哈哈...... >:)

      刪除
  4. 日本屋的簷篷实在太沉重了,曰本人好像不喜歡大窗户,只要大門户。他們的屋簷爬到地上去。不过又幾好看呢!

    回覆刪除
    回覆
    1. 厚厚既屋簷可以擋風, 冬暖夏涼架, 所以古時日本啲屋好多都係厚厚既茅草屋頂!!

      刪除
  5. 路過蜻蜻,三內丸山風景很有特色.

    回覆刪除
    回覆
    1. 係啊, 不過九州個吉野ヶ里公園就大啲, 建築完善啲, 有興趣可以去睇下。 >:)

      刪除
  6. 幅幅都like......~.~

    回覆刪除
    回覆
    1. 多謝你幅幅都like啊!! 我就比較鍾意垂頭喪氣既青森犬喇!!

      刪除
  7. 三內丸山遺跡其實很值得去的,怎說也是日本最大規模的嘛!只是想不到距離美術館那麼近,原來是可以步行過去的

    回覆刪除
    回覆
    1. 美術館穿隧道過去都要行廿分鐘架, 不過我都幾鍾意睇呢啲屋仔, 又一次既意外驚喜呢!!

      刪除
  8. 感覺很有趣,豐富的一天,有新派青森犬,歷史三内丸山,重有奇妙夜景。開心!

    回覆刪除
    回覆
    1. 以前啲屋雖然簡陋同細, 但就覺得人與人之間既關係會更加親密, 唔會好似而家咁冷漠!!

      刪除
  9. 三內丸山原來真係同吉野ケ里有八成似。
    我去果年係冬天,戶外鋪滿雪無得睇。

    回覆刪除
    回覆
    1. 吉野ケ里建築多啲同埋規劃完善啲, 風景又靚啲, 不過呢度就好似剛發掘出來咁, 比較原始, 2種感覺, 2種享受呢!! 鋪晒雪連啲屋仔都冚實晒??

      刪除
  10. 塞翁失馬,焉知非福!

    回覆刪除
    回覆
    1. 自由行最多就是"意外"呢, 幸好今次是意外驚喜!! >:)

      刪除
  11. 圖文並茂, 看得我心思思也想去. 天空的雲很壯觀啊.
    請教如何扮小童攞半價呢? 不過或者我扮長者似啲, :-)

    回覆刪除
    回覆
    1. 哈哈哈, 可能我本身細粒, 仲生成一副"童顏", 所以有學生優惠 >:)
      唔使心思思喇, 動身啦!! >:)

      刪除
  12. 青森犬好搞笑! 錯有錯著, 有驚喜! 正!

    回覆刪除
    回覆
    1. 仲有隻喺弘前, 好得意架!! http://travel.tw.msn.com/Selection/Column/Place/article.aspx?cp-documentid=4481680

      刪除
  13. 回覆
    1. 總算有驚無險啦, 你知日本啲巴士班次好鬼少, 萬一走左尾班車, 我就要瞓街喇!! >:)

      刪除
  14. 雲彩多變,青森橋的夜色很美!

    回覆刪除
    回覆
    1. 見過有人在高處拍攝青森橋仲靚, 下次再揾路影過!!

      刪除
  15. 茅屋頂好似一個個假髮咁喎!幾得意!

    回覆刪除
    回覆
    1. 哈哈, 似假髮!! 除左唔知點樣樣呢!! >:)

      刪除
  16. Thank you so much for bringing us so many beautiful photos of what must have passed through your busy but happy retinas.

    回覆刪除
    回覆
    1. 不用客氣了!! 就當我是推廣日本旅遊大使吧!! 哈哈!!

      刪除
  17. 三內丸山村d 屋好得意

    回覆刪除
  18. 我上次去可以走埋去近距離睇隻狗狗喎,仲影埋佢個屁股,哈哈
    真係塞翁失馬,呢個丸山遺址都幾特別~

    回覆刪除
    回覆
    1. 我就係見人地blog可以出去影,所以諗住多角度影架嘛,點知嗰次去到佢話因唔知咩事所以唔可以出去影!!即刻無晒心機!!

      刪除
  19. hi 你好呀!是因為找小豆島的資料,找到你的blog再來到這個新blog的。
    我也是一人旅的常客,就像你blog中寫到,這些年頭都不知是第幾次一人旅了。沒想到,你也是一個女的。一路看你的blog,一路被感動著。所以忍不住想留一個言。
    我也是一個愛影相的人。又是不懂自駕。連單車也不懂。一個女的,背著重重的攝影工具,一人旅,真的很不容易。看見你一些相片,相信你跟腳架也會帶。以前我也會帶的。但只是相機,鏡頭已經太重了,身體負荷不了。以前我也會寫blog的,但現在已經沒有了。因為當一人旅的次數越多,準備便變得更隨意。因為我相信一人旅,就是隨心而行。
    你去的地方都很厲害。看了我都很想去。可惜我不可以請那麼長的假期。但有機會的話,我也會想去其中一些地方的。
    期待你下次旅程的更新!加油啊!

    回覆刪除
    回覆
    1. 謝謝你留言啊!
      一人旅夠晒自由, 想去邊就去邊, 唔駛顧住隔離嗰個 >:)
      哈哈, 我既攝影器材就只是一部prosumer加一部後備傻瓜機, 腳架都只有mini版, 不過都無用過, 單反就無錢買喇!! 寫blog post相可以同大家分享, 又可以介紹一啲人地未必知既美景, 好開心架, 你唔寫blog都post下啲靚相出嚟分享下啦!
      我去親都係7, 8日, 只需請幾天假期, 不用太多!!

      刪除
  20. 哈哈! 好中意隻狗樣, 就好似畀人話做到頭耷耷成隻死狗咁樣子.

    回覆刪除
    回覆
    1. 嗰個咪係我囉.... >:)
      想出post都無時間...........

      刪除