2014年1月13日 星期一

2013年10月 日本東北楓的季節 ~ 第五天(中):酸ヶ湯溫泉..."楓" 起了!

 

燒山(巴士) 蔦溫泉沼めぐりの小路:蔦沼鏡沼月沼長沼菅沼瓢箪沼 蔦溫泉(巴士) 酸ヶ湯温泉(巴士) 八甲田山(巴士) 青森 (宿:ホテルアベスト青森)

車窗外煙雨濛濛,四週一片慘白。風雨再大,也不及濃霧可怕,看不清方向而落入迷失的恐懼感,會令人不知所措,進退失據。原計劃的第二站是八甲田山,但這樣的天氣似乎不得不放棄了

巴士緩緩前進,雲霧聚了又散,才驚見兩旁樹木橙黃交替,如穿過火焰隧道,美得令人咋舌!不消片刻,濃霧又再凝聚,加上風雨沒減,考慮著應否在酸ヶ湯温泉下車,到附近的地獄沼走走。

疑不決之際,幸有人及時按鈴下車,替我下了難以取捨的決定
 
 
車窗外的地獄沼
 

下車後,找不到locker寄存行李,土產店店員示意往旁邊的溫泉旅館查詢。旅館內的休息間可放置行李,但沒人看管,只是一個供客人浸浴後小休的房間,此時此刻也沒考慮的餘地吧!把行李放置一角後,便出發前往7分鐘步程的地獄沼。

酸ヶ湯溫泉四週秋色
 



 
 
惡劣天氣下仍有登山客向難度挑戰
 
 
燃燒中的秋意
 

 


 
風雨對我“不離不棄”,不消一會外套衣袖已濕透。走進了燃燒中的隧道,眼前景象震撼無比,兩旁被染成橘黃色的山毛櫸林足以令人陷入狂狀態。即使下雨天,仍覺幸福滿溢。馬路除了偶爾駛過的車輛,就只有我像個傻子邊走邊讚歎。能夠走在見頃的楓林底下,不枉此行! 
 
 
 
 
 

 
 
 
 












 
走了不短的路程,開始感到不對勁,不是說七分鐘步程嗎?剛才巴士經過地獄沼明明就在溫泉不遠處直至走到分叉口,已過了半個小時,最終決定原路折返,返回溫泉旅館,細看旁邊的案內板,才發現自己走了相反方向,我這個“路痴”看來沒甚麼改進呢,哈哈!不過卻因走錯路而看到不一樣的美麗風景,可算是“錯有錯著”吧! 










 






返回溫泉
 

男女混浴,你有膽嘗試嗎?
 
 
 時間所餘無幾,用膳或往地獄沼只能二選其一,考慮到沼澤景色已在蔦七沼及藏王高原看過不少(還有稍後的十二湖),便決定到「鬼面庵」用膳。這裏以蕎麥麵馳名,應店員推介點了“冷しとろろっそば”(1000円),麵身極具彈性,令我想起京都美山町的彈牙蕎麥麵,就這樣失神地沉浸在溫暖的回憶裏... (待續)
 

 



 
景點介紹
(網上資料)

地獄沼

地獄沼是個因火山而形成的沼澤,溫泉水長年噴出含硫磺成份的氣體,因此不斷可見白煙冒出,如此迷離景象,加上濃烈的硫磺氣味,因而有「地獄沼」之名。雖名地獄沼,但卻完全「名不副實」,因為這裏一帶一點不如地獄般恐怖,卻擁有優美的大自然景色,配合獨特的沼澤白煙,拍起照來更如仙境,所以經常吸引攝影發燒友在此流連。

當地人相信地獄沼的硫磺沼氣對於治療婦女病、胃腸病痛有相當的療效,故而有時會在地獄沼的周邊擺放許多木箱,讓地獄沼的蒸汽把木箱蒸的熱騰騰的,人再進入木箱上,當場以熱氣作免費的 SPA 治療。

酸ヶ湯溫泉

酸ヶ湯溫泉旅館已有三百多年歷史,以其酸性硫磺泉水命名,據說可飲用及治理身體,也因其位於十和田八幡平國立公園北部的九百米高原,而擁有明媚風光及很多罕見的高原植物,遊人絡繹不絕。傳聞以前的人會冒着風雪浸露天酸ヶ湯溫泉,現在的酸ヶ湯溫泉旅館就以室內的「千人混浴」而聞名,樸實得來,不失熱鬧。


交通
 
燒山 蔦溫泉
巴士 (20min)
子ノ口至青森 (兩天有效) 2620
蔦溫泉 酸ヶ湯温泉
巴士 (0.5hr)
酸ヶ湯温泉 八甲田山
巴士 (10min)
八甲田山 青森
巴士 (1hr10min)

 
 
1.          雖可於巴士上直接付款,但還是建議預先購票,尤其於紅葉季節。

2.          如中途上落較多,雖可逐程車上付款,但建議預先購票至終點站車票,除方便上落車只需出示車票外,亦較逐程付款便宜。

3.          青森、新青森、十和田湖、八戸及子ノ口 JR 巴士站售票處或JR駅內綠色窗口。

4.          青森~十和田湖:「みずうみ号」2日有效。可於萱野茶屋(八甲田山麓)至十和田湖之間(單向)2天內自由上落,例如由青森出發,可在中途的酸ヶ湯溫泉或蔦温泉住宿一晚,第二天續乘「みずうみ号」到奧入瀨溪流遊覽後,再乘坐到十和田湖。

5.          八戸~十和田湖:「おいらせ号」1日有效。可於十和田湖温泉郷(奥入瀬渓流下流入口)至十和田湖之間(單向)1 天內自由上落,但如你持的車票是由八戸至十和田湖,但在中途的石ヶ戸下車住宿一晚,第二天車票便會失效。

6.          儘量避免10月中至尾的週末假日乘巴士到奧入瀨溪流,會遇上交通擠塞情況。

7.          持全國JR Pass可免費乘搭,JR EAST PASS需另行購票。
 
8.          十月以外的時間有青森・八戸・十和田湖フリーきっぷ,只需4800円(2日有效)。
 






60 則留言:

  1. 咦, 又系我第一. . . D 葉好 "橙" 呀 . . >:) 男女混浴真系唔 駛預我. . . 我一落水D 人比我迫走晒 . . .哈哈哈 ^0^

    回覆刪除
    回覆
    1. 一個可以容納千人既溫泉, 我諗...你無咁......月巴掛.................哈...哈....哈!!! >:)

      刪除
  2. 咁靚仙境真係唔想走住,留長D時間去睇啦!

    回覆刪除
    回覆
    1. 我都想留耐啲, 不過又風又雨, 部相機濕完又抹, 抹完又濕, 把遮又被風吹到反完再反, 咁你仲想唔想留耐啲呢.... >:)

      刪除
  3. 馬路兩旁盡是楓紅艷影,置身其中,怎捨得離開呢?

    回覆刪除
    回覆
    1. 我還是第一次看到這樣"楓"狂的景緻呢!! 之前就算看過都是在巴士上, 今次能走在其中, 被雨淋濕都抵!!

      刪除
  4. 睇標題以為你會住一晚「酸ヶ湯溫泉」,試吓混浴添。:))
    (我等月巴爭咗櫈仔,先留言架)。

    回覆刪除
    回覆
    1. 哈哈, 下次如果住我會揀蔦溫泉, 第二朝可以一早行蔦七沼, 混浴就......留番俾你一家大小啦!!
      哈哈, 你唔駛對佢咁gentleman喎, 佢又唔係靚女, 唔駛lady first架!! >:)

      刪除
  5. 誤打誤撞竟然發現火紅的楓葉,做吓路痴都抵啦!終於見到預期的紅楓,頓覺這次旅程真的沒有白行一趟!!
    那你又有沒有試到混浴呢?

    回覆刪除
    回覆
    1. 係啊, 不過如果我行啱路去地獄沼, 沿路兩旁都係橙黃色既樹, 一樣咁正!! 當時又霧又風又雨, 真係唔知落唔落車好架, 好在有"貴人"落車, 如果唔係可能我已經直接坐去青森喇!!
      至於混浴, 如果一個人都無我咪飛入去試下囉, 哈哈!! >:)

      刪除
  6. 七分鐘步程行咗三十分鐘至返轉頭!我好過你,十五分鐘唔對路就已經掉頭走,唔係我會俾人"丙"帶錯路 :(
    D紅黃葉好正,有時揸車見到攞得相機嚟影已經過晒秒 :(

    回覆刪除
    回覆
    1. 哈哈, 因為沿路被咁火紅既景緻吸引, 愈行愈遠, 行下行下唔多覺就半個鐘喇, 如果唔係有分叉路, 可能我會行到落去八甲田山站, 哈哈!! 被人丙帶錯路...我今次係笑住咁多謝自己行錯路 >:)

      刪除
  7. 原來錯有錯著都唔係一件壞事喎!

    回覆刪除
    回覆
    1. 都係架, 難得一次我會多謝自己行錯路, 哈哈 >:)

      刪除
  8. 回覆
    1. 作者已經移除這則留言。

      刪除
    2. 我都係第一次睇到見頃既"隧道", 仲要唔係搭緊車, 而係步行, 嗰鐘感覺真係好正!!!

      刪除
  9. 遍山紅葉,美景醉人,多謝分享!

    回覆刪除
    回覆
    1. 作者已經移除這則留言。

      刪除
    2. 不用客氣!! 這條車路的秋色真的美極了, 慢步其中既浪漫又幸福!!

      刪除
  10. 日本的紅葉及櫻花樹真係無得彈!

    回覆刪除
    回覆
    1. 係啊, 而且每個地方都有唔同亮點, 真係百看不厭!!

      刪除
  11. 偶爾能沉浸在溫暖的回憶裏 , 亦是另一種幸福 !!
    每次細味蜻蜓的遊記 , 都有與蜻蜓同行感覺...

    回覆刪除
    回覆
    1. 食幸福xx素, 又係咪另一種幸福呢.... >:)
      有與蜻蜓同行感覺.....咁你應該覺得好辛苦囉..... >:)

      刪除
    2. 點會辛苦呢 ! 再重遊那火焰隧道 , 看到橙黃交替的楓林 , 還是一樣心花怒放 ....

      刪除
    3. 火焰隧道之後有火焰地氈..... >:)

      刪除
  12. D靚相慢慢蒲頭,有無見到浴室外長者多或是年青人多?

    回覆刪除
    回覆
    1. 哈哈, 天氣不似預期, 無計!!! 阿嬸阿叔多, 年輕人.......... 我囉, 哈哈!! >:)

      刪除
  13. 這個楓林真大, 慢駛其中定感到漫妙幽美!

    回覆刪除
  14. 你部機啲顏色影出來真係好sharp好靚呀^^

    回覆刪除
    回覆
    1. canon機影出嚟啲色真係幾好架, 如果係單反機效果應該更sharp!!

      刪除
  15. 睇到我嘩﹗嘩﹗嘩﹗我只有一個字,靚﹗靚﹗靚﹗

    回覆刪除
    回覆
    1. 我現場都睇到嘩嘩聲, 成條長長既火紅隧道, 真係唔捨得走!!

      刪除
  16. 看得出來東北的楓比關西京都多 !!

    回覆刪除
    回覆
    1. 我諗唔同風格啦, 京都有寺院做背景, 又是另一種氣氛!!

      刪除
  17. 混浴,不用試了。 ^_^
    下雨天的紅葉更美,真羨慕可以看到如此美景啊。

    回覆刪除
    回覆
    1. 哈哈, 我都無膽試!!
      其實好狼狽架, 因為大風同有雨, 一影相鏡頭又濕, 又差啲反遮, 不過都值得既!!

      刪除
  18. 嘩! 租部車自駕遊就爽正囉, 實睇到眼都唔斬, 係呢, 嗰三條混浴牌講咩啫? 又男又女好奇3目, 最高,姿 搲哂頭.

    回覆刪除
    回覆
    1. 自駕遊的話應該忍唔住每隔幾分鐘就要停一停落車影相, 咁咪仲煩囉?? >:)
      1. 男性入浴者見到女性入浴者唔好"眼超超", 2. 女性入浴者見到男入浴者又唔好"眼啤啤", 2. 混浴不分男女老幼, 互相尊重, 大方啲, 咁就係入浴最好既行為喇!!

      刪除
    2. 頭兩句翻譯得幾好喎。=))

      刪除
    3. 譯錯記得糾正喎, 或者コーさん你可以提供更傳神既版本? >:)

      刪除
    4. 我覺你個版本已經101分,好正。:))

      刪除
  19. 嘩...條路紅到令人發「楓」~落住雨有點霧,多左份迷幻感覺,都唔錯丫~

    回覆刪除
    回覆
    1. 哈哈, 你真識安慰人 >:)
      如果唔落雨就真係靚到嚇死人喇!!

      刪除
  20. 紅紅黃黃的靚到不得了,“錯有錯著” 就係旅行常有經歷。

    回覆刪除
    回覆
    1. 係啊, 尤其係我呢啲無方向感既人, 成日行錯路, miss左原本既景點, 不過好似今次咁"錯有錯著"就比較少見!!

      刪除
  21. 行李沒有人看管?哈~有冇諗過萬一唔見左。。。不過,就算唔見,都不枉此行。:p

    回覆刪除
    回覆
    1. 係啊, 無人睇架, 但係都無辦法, 我無可能背住沉重既大背包週圍去影相, 仲要風大雨大, 不過日本都安全既, 應該無人會攞你啲行李, 我試過漏左個小背包係食店到, 返轉頭都原封不動, 如果換左係大陸就..... >:)

      刪除
  22. 很久沒有找您,不懂玩卜呢,12月我也去了日本....

    回覆刪除
    回覆
    1. 嘩, 真係好耐無見!! 去左日本咁快啲post相啦!!

      刪除
  23. Nothing to beat the colors of Nature. And you captured them for us. Thank you so much.

    回覆刪除
    回覆
    1. 日本秋天色彩豐富, 有機會的話去感受一下吧!!

      刪除
  24. 我試左,雖然話係混浴,但女士可以買佢嗰件衫著入去浸....不過真係好多男人望住晒,我浸左一陣都係頂唔住閃返去女士堆嗰邊 :p

    回覆刪除
    回覆
    1. 你敢夠膽!!! 俾人望住晒, 著住衫我都唔濟啊!!

      刪除