昨晚看在某媒體在fb發佈的新聞及照片，發現自己差點就被拍到（還要是近攝）。見光的話，我就真的可以實踐日本旅遊一個月的計劃了。又或者可以效法G先生的解釋，一下班便從九龍乘車到金鐘，「只是路過」，哈哈！
民主自由很珍貴，你不爭取，就會漸漸被奪去…
********************************************************
報導一則：
「警隊「一哥」曾偉雄昨正式批准兩個警察員工協會，為同袍進行內部募捐，早前捲入公民黨成員曾健超被打疑案、正被停職的七名警員料也可獲支援。」
打傷人的不是應該接受制裁嗎？還有錢收？被警察打傷的市民呢？689說選舉不應向低下階層傾斜，那就可以向暴力及高收入人仕傾斜？
10月24日中午
前線的勇士加油 !
回覆刪除香港加油 !
要繼續為佢地打氣啊!!
刪除好有創意
回覆刪除加油
啲人真係好勁!!
刪除自由由藝術開始，開出朵朵心花
回覆刪除係啊, 所以一定要留下記錄, 清場的話就會全部被破壞架喇!!
刪除蜻蜓，恕我講一些可能你哋唔太啱聽嘅說話，無錯我係非常支持班學生，好欣賞佢哋嘅理想同堅持，但去到今時今日，我開始擔心佢哋，如果萬一到最後真係輸咗的話，我恐怕佢哋受唔起打擊，因為佢哋始終年青，部份心靈脆弱嘅唔知會有咩反應，好驚佢哋唔知會唔會做D咩傻事囉...
回覆刪除或者因為我個仔正正係依嗰年紀又係大學生，如果佢响香港讀的話我相信佢好大可能會坐响金鐘，毋疑我哋一定會支持佢，但背後會好擔心好擔心，我相信大部份學生的父母都會有依種感受，所以我希望依件事可以儘快結束，等D學生可以過番D正常讀書生活，佢哋仲有漫長嘅人生路，往後仲有好多時間，除咗爭取民主自由外，仲有好多事情等住佢哋去做，唔好太執著了...
無所謂, 呢度言論好自由架喎, 哈哈!
刪除其實, 點樣為之羸點樣為之輸呢, 清場即係輸, 唔可以令政府讓步就係輸? 我諗好多人都預左政府唔會讓步, 而且會暴力清場, 但係, 當你做一件事情, 未必只有1個結果。通過呢個運動, 令到大家看清政府既所作所為, 看清某一啲人眼中只有利益, 看到保護市民既警察"懷疑"同黑勢力勾結, 暴力對付民眾, 看到官員既無能無智慧, 從而令大家明白一個真正普選產生既特首係幾咁重要, 更重要既係, 看到一班一直被標簽為"廢青"既年輕人比大人更識得諗更識得克制等等, 呢個運動, 無論最終收場係點, 已經係成功咗!!
至於你驚啲學生會受唔住打擊, 就應該唔會發生, 喺呢件事上面, 最堅強最忍耐既佢地, 今次失敗, 咪下次再嚟囉, 人喺要不斷經歷失敗先會成長, 先會成功既!!
做父母的, 擔心一定會有, 但係畢竟佢地仲有漫漫長路, 佢地想爭取將來生活喺一個自由環境既社會, 我地應該支持既!! 當然爭取民主自由之外, 仲有好多事情要做, 但係無一個民主自由既環境, 係好多野都做唔到架!!
我只係想表達做學生父母內心一D感受，將來香港係依班年青人，我都好希望佢哋爭取成功，亦但願如你所言，學生係經得失敗同打擊，今次失敗咪下次再嚟囉...
刪除Nerissa感受甚深喇, 一方面支持個女, 一方面又要擔心佢!! 佢地的確唔可以喺度坐一世, 適當既時候撤退係智慧, 不過咩係適當時候呢...似乎過咗, 點收科呢, 最唔希望既當然係暴力清場啦!!
刪除唔好意思我想加幾句，希望大家唔好介意:D 3J家庭我相信你係一個好媽媽好家長，你咁關心仔仔仔仔一定生活得好幸福 :D 如果今次「失敗」唔一定會再有下次機會，要知道今日既時勢係一日比一日差，除左蜻蜓講個啲，另一樣最危險既就係而家日日好多大陸人入侵，每日150單程證，每年幾萬個大陸學生讀1年垃圾master變香港人，每年幾萬雙非，每年n個所謂專材，如果再等落去唔洗幾多年，就算比個真民主真選舉你真正香港人都一定會輸，唔好低估大陸清洗香港人能力！唔講到咁遠講而家，唔知你知唔知有好多機構已經係專請大陸人而唔請香港人，唔好以為香港人有料到就可以同人公平競爭，講鬥平鬥賤，講人脈關係香港人一定輸，而家跟本成個政府，再加上社會都傾向大陸一邊，香港人就快被消滅，或者變成三等公民...我相會大家都想香港政府係為香港人服務而唔係為大陸服務？人生漫漫長路，以後仲有好多時間，要玩既要去旅行以後幾時去都得，呢個就係自由社會既可貴，但一旦失去自由到時後悔就已經返唔到轉頭，我唔想連facebook yahoo都上唔到...一個運動對人生而言只係一個好小時間，所以有人願意花小小時間去換一個相當美好既將來^^無論結果係點，祝福學生平安，希望所以學生可以平安回家，香港有更美好將來~
刪除Matthew Chung，我認同你講嘅說話，現在嘅香港已經變作質，越嚟越唔屬於香港人，有時我都好氣憤
刪除我關注係學生方面，人生每個階段有唔同責任，求學時要努力讀書，當然並唔係一味只顧讀書，亦都要關心其他事情，响唔影響讀書情況下做自己喜歡做嘅事係完全無問題，但事件拖得太耐對佢哋嘅學業一定會有影響，事後如果要負法律嘅責任會影響佢哋將來嘅前途，雖然我相信到最後政府會放佢哋一馬，為咗一個咁卑鄙嘅689同一個無能嘅政府，依個賭注是否太大? 是否值得? 而我哋依一班所謂成年人，是否要D學生去背負咁重嘅責任? 畢竟佢哋係最年青嘅一群，我唔忍心佢哋受到傷害，佢哋亦唔應該受到依種傷害，至於其他人，我相信佢哋會有能力面對將來嘅結果...
不過事到如今，好多事情都番唔到轉頭，點收科呢? 真係唔知...
而家真係有好多大陸人湧入嚟, 環境衛生都差左啦, 隨地大小便!!
刪除至於值唔值得呢, 我地唔可以代學生答既, 畢竟條人生路係佢地自己既, 大家既價值觀都唔同, 我地認為啱既, 佢地未必適用。
希望最終大家都能安全回家, 政府能夠作出適當既回應。
總之我覺得宜家做學生真係好辛苦，除咗要忍受宜家不知所謂嘅教育政策外，仲要面對個不知所謂嘅香港政府
刪除無錯，人生路係佢哋自己嘅，各人有各人嘅價值觀，每人都有選擇權利，唯有祝福佢哋可以成功爭取到佢哋想得到嘅嘢，大家都能安全回家，重返校園過番D正常嘅讀書生活
祝福香港!!
刪除大家都係關心學生，關心香港，如果個個都係咁諗香港就有希望啦 >.<
刪除其實由一開始我都覺得今次唔應該係學生既責任，應該係我地成年人既責任，可惜我地又為佢地做過啲咩？結果就迫成一班學生自己為自己爭取將來，面對佢地我真係好慚愧...佢地呢個年齡應該係享受年青，享受讀書，但係呢班被標籤為驕生慣養既一代都願意唔怕辛苦走出來，可想而知佢地對呢個香港有幾絕望！至於值唔值得咁做我相信佢地比我地外人更清楚~
而家既年青人比起我地個代醒目好多叻好多啦，回想以前自己仲係呢個年紀自己仲係一舊飯...我做青少年﹑學校工作，見慣佢地啦，佢地識既野係想像唔到咁多，讀書情況都唔洗太擔心，就算係支持呢個運動既學生都唔係每一個人會外出支持，走上街頭都係少數，而且絕大部份都係有正常返學，只不過佢地要四出頻撲真係好好好辛苦 >.<
今次點收科真係唔知，將來香港變成點亦都唔知，只希望大家平安香港平安，祝福學生，祝福大家，祝福香港！
哈, 我以前讀書都係一舊飯!! >:)
刪除唔明，見光就被炒？你老闆都唔睇什麼媒體FB啦嘛？？
回覆刪除哈哈，蜻蜓做嗰個機構比較敏感，所以我諗就係咁解啩。
刪除想去一個月日本你企喺CCTVB 鏡頭前面就得 >:)
刪除コーさん, 上司可以得罪, 呢個尊貴既客戶唔得罪得! 如果我帶黃絲帶返工, 肯定連門口都入唔到, 仲以後都唔駛返, 哈哈!! 至於我喺邊度做, 自己估啦, 不過我唔可以喺度開估, 好容易被人起底, 私底下問我就可以!!
刪除Nerissa, 唔駛CCTVB, 熱X時報或者獨X媒體都死得, 哈哈!!
如果影到你,可以認到你嗎?
回覆刪除哈哈, 蜻蜓咁既樣囉.... >:)
刪除屋企望出去影嘅? 喺屋企可以望到獅子山,幸せです :)
回覆刪除住高層獅子山景的中產。=))
刪除我係獅子山下既貧民, 中產.... 無我份 >:)
刪除一定要堅持！加油！
回覆刪除香港人加油!!
刪除當連一塊布都容不下, 更枉說不同聲音, 可悲 !!!
回覆刪除咪係, 今日城市大學又掛左出嚟, 哈哈, 遍地開花!!
刪除